Politikanët kosovarë që po lënë gratë e fëmijët, për të dashurat e reja? (Foto)

Ndarja është e rëndë, sidomos për ata që dashurojnë. Bëhet më e rëndë nëse njëri partner e lë tjetrin thjesht për një fytyrë a trup të bukur.

Kemi dëgjuar për një mori ndarjesh në botën e shoubizit. Çifte të famshme anë e kënd botës u japin fund lidhjeve për shkak të aferave të dashurisë, shkruan “Kosovarja”.

Sindroma “Levinski” e Bill Clintonit, i ka rrokur edhe figurat politike në vend. Jo një, por shumë prej pushtetarëve tanë përfliten për flirte, romanca, dashuri e gjëra të tilla, krejtësisht rozë.

Disa nga politikanët kanë rënë totalisht brenda, duke mohuar gjithçka nga e kaluara, gruan e fëmijët, vetëm për të realizuar “dashurinë e madhe”, që përherë është e re, e freskët, sensuale, joshëse…

Disa nga figurat politike që nuk i kanë shpëtuar thonjve të “mëkatit të ëmbël”, janë:

Agim Çeku, që prej vitesh mban lidhje me një miss, me të cilën ka edhe fëmijë.

Dardan Gashi la prapa krahëve familjen, për lidhjen e re me një nga moderatorët kosovare. Ata tashmë kanë edhe fëmijë së bashku. Vajza është shumë vjet më e re se politikani në fjalë.

Safet Gërxhaliu, kryetari i Odës Ekonomike të Kosovës, u dashurua në sekretareshen e tij. Kjo histori rozë bëri bujë mediale dhe u komentua në mënyra të ndryshme. Gërxhaliu tashmë ka krijuar jetë të re, largë gruas së vjetër.

Në mesin e politikanëve me shpirt aventurist, hyn edhe Lirak Çelaj. Ai u nda nga Ilire Vinca, duke i dhënë fund martesës disa vjeçare, siç thuhet për shkak të një bukurosheje.

I fundit i rënë në “grackën e dashurisë pa emër” është Blerand Stavileci. Ai gjatë kohës sa ishte i martuar, ka mbajtur lidhje paralele me një modele. Politikani i ri tashmë është ndarë nga gruaja dhe vajza, ndonëse ende nuk flitet për divorc zyrtar, shkruan “Kosovarja”.