Polica arreston tre persona për grabitje në Gjakovë

Më 26 korrik në stacionin policor Gjakovë është raportuar një rast grabitje, ndërkaq viktima ishin tri femra.

Nga të dëmtuarat persona të dyshuar kishin marr me forcë telefona mobil dhe një shumë parash.

Njëra nga viktimat ka pësuar edhe lëndime të lehta trupore, për të cilat ka marr edhe tretman mjekësor.

Policia pas një pune intensive hetimore ka arritur të arrestojë tre persona të dyshuar për kryerjen e kësaj vepre penale.

Të dyshuarve u janë gjetur gjërat e grabitura të cilat i janë kthyer të dëmtuarave.

Të dyshuarit e arrestuar janë: Q.G 1995, A.M 1998 dhe D.G 2002.

Dy personave të dyshuar me urdhër të prokurorit të shtetit ju është caktuar masa e ndalimit policor, ndërsa personi i tretë për shkak të moshës është liruar në procedurë të rregullt.

Ndërkaq, më 31 korrik në stacionin policor Gjakovë është raportuar një rast tjetër i grabitjes nga një person i moshës 27 vjeçare.

Personi ka raportuar se përderisa ishte me automjetin e tij në lëvizje ishte ndaluar nga persona të maskuar të cilët nën kërcënimin e armëve i kishin grabitur një shumë parash.

Hetuesit Rajonal të Drejtorisë Rajonale të Policisë në Gjakovë në bashkëpunim me polic të  Stacionit Policor Gjakovë kanë gjetur se personi i cili kishte raportuar rastin grabitje kishte kryer vepër penale të “Lajmërimit apo kallëzimit të rrem” pasi kjo është pohuar edhe nga vet personi tashmë i dyshuar.

Personi i dyshuar me urdhër të prokurorit është liruar dhe ndaj tij do të ushtrohet kallëzim penal. /Telegrafi/