LAJMI I FUNDIT:

Po akuzohet si transgjinor, publikohen disa fotografi të Imane Khelif si fëmijë që sqarojnë gjithçka rreth gjinisë së saj

Po akuzohet si transgjinor, publikohen disa fotografi të Imane Khelif si fëmijë që sqarojnë gjithçka rreth gjinisë së saj

Situata e boksieres algjeriane, Imane Khelif, është bërë tema më e përfolur në Lojërat Olimpike ‘Paris 2024’, pasi ka dyshime mbi gjininë e saj, por duket se tashmë gjithçka është sqaruar.

Edhe para se të fillonte turneu i boksit në Lojërat Olimpike, një pjesë e publikut u zemërua sepse dy gra me testosterone të tepërta u lejuan të luftojnë në Paris. Ato janë 28-vjeçarja Lin Yu-Ting nga Tajvani dhe 25-vjeçarja Imane Khelif nga Algjeria.

Ato nuk janë transgjinorë, ato identifikohen si gra. Por, ato gjithashtu kanë nivele të larta të testosteronit. E ndërsa performanca e tajvanezes ende pritet, algjeriania ka pushtuar mediat pas luftës së djeshme (e enjte).


Dy boksiere që dyshohet se janë meshkuj po garojnë në Lojërat Olimpike, njëra është favoritja e parë
Lexo po ashtu Dy boksiere që dyshohet se janë meshkuj po garojnë në Lojërat Olimpike, njëra është favoritja e parë

Italiania Angela Carini ia dorëzoi meçin pas vetëm gjysmë minute luftë. Pas një goditjeje nga algjeriania, Carini kërkoi që t’i riparohej helmeta e saj mbrojtëse.

Pas një goditje tjetër, ajo shkoi në këndin e saj dhe kërkoi të ndalonte luftën. Pasi u ndërpre, Carini u gjunjëzua dhe qau.

“Kjo nuk është një humbje për mua. Është një sukses i madh të hysh në atë ring. Por, kur ajo më goditi për herën e dytë, unë nuk mund të merrja më frymë. Pavarësisht gjithçkaje, ishte një nder për mua të performoja në Lojërat Olimpike”, ka thënë Carini pas meçit kundër algjerianes të cilën shumë e përshkruajnë si një boksier kontrovers.

Boksierja italiane dorëzon meçin kundër algjerianes së shumëpërfolur Imane Khelif, vetëm pas disa sekondave ‘luftë’
Lexo po ashtu Boksierja italiane dorëzon meçin kundër algjerianes së shumëpërfolur Imane Khelif, vetëm pas disa sekondave ‘luftë’

Khelif nuk u lejua të luftonte në Kampionatin Botëror

Arsyeja për këtë është se ajo, ashtu si kolegia e saj tajvaneze, u ndalua nga Kampionati Botëror, pasi nuk i plotësonte kushtet për të garuar në garën e femrave.

Imane Khelif dhe Lin Yu-ting u s’kualifikuan nga Kampionatin Botëror i Femrave 2023 sepse testet “provuan se kishin kromozome XY”, shpjegoi Shoqata Ndërkombëtare e Boksit (IBA).

Por, me faktin se IBA nuk drejton ngjarjen olimpike të boksit në Paris, Komiteti Olimpik Ndërkombëtar konfirmoi se ishte i lumtur që të dy luftëtaret mund të konkurronin sipas rregullave më pak të rrepta të përshtatshmërisë gjinore që ishin në fuqi për Lojërat e Tokios 2020.

Arsyeja pse Imane Khelif është në gjendje të konkurrojë në olimpiadë pavarësisht se ka dështuar në testin e gjinisë
Lexo po ashtu Arsyeja pse Imane Khelif është në gjendje të konkurrojë në olimpiadë pavarësisht se ka dështuar në testin e gjinisë

Komiteti Olimpik Algjerian është i zemëruar për ndjekjen e boksieres së tyre dhe të zemëruar janë edhe bashkatdhetarët e saj.

Një nga ata që përpiqet të dëshmojë se gjithçka është e rregullt është gazetari algjerian Youcef Zaghba, i cili postoi tre foto në Instagram që sipas tij e shfaqin Khelifin si një vajzë të vogël.

Ai e quajti atë një heroinë algjeriane dhe kërkoi që të shpërndaheshin në rrjetet sociale. Shumë shpejt ato filluan të shpërndaheshin në rrjetin social X (ish-Twitter). /Telegrafi/

Në trend Sport

Më shumë
Ylli i Liverpoolit po kërkon largimin, i vetëofrohet Barcelonës

Ylli i Liverpoolit po kërkon largimin, i vetëofrohet Barcelonës

Ndërkombëtare
Sensacioni spanjoll i Ligës Premier ‘ëndërron’ transferimin tek Real Madridi

Sensacioni spanjoll i Ligës Premier ‘ëndërron’ transferimin tek Real Madridi

Premier League
Arsenali duhet të dëgjojë këshillat e Thierry Henrys për ta eliminuar Real Madridin

Arsenali duhet të dëgjojë këshillat e Thierry Henrys për ta eliminuar Real Madridin

Liga e Kampionëve
Ronaldo ofendoi brutalisht Man Unitedin dhe Juventusin në reklamën e tij të parfumit

Ronaldo ofendoi brutalisht Man Unitedin dhe Juventusin në reklamën e tij të parfumit

Ligat tjera
Arda Guler e ka bërë të qartë ku dëshiron të transferohet nëse largohet nga Real Madridi

Arda Guler e ka bërë të qartë ku dëshiron të transferohet nëse largohet nga Real Madridi

Ndërkombëtare
Ish-legjenda e Milanit i hedh benzinë zjarrit: Alvarez e preku topin vetëm një herë

Ish-legjenda e Milanit i hedh benzinë zjarrit: Alvarez e preku topin vetëm një herë

Liga e Kampionëve
Kalo në kategori