Plenumi studentor: Drejtësia selektive është padrejtësi (Video)

Studentët prangosen për shkak të mendimit tyre të lirë dhe kërkesës për kthimin e drejtësisë në shtet, ndërsa kriminelët e falur, të ngarkuar për krime të rënda gjenden në liri – reagojnë nga Plenumi studentor. Janë të revoltuar për shkak të paraburgimit të vazhduar të kolegut të tyre Borjan Eftimov, i cili u arrestua javën që kaloi gjatë protestave kundër qeverisë dhe të cilit iu shqiptua masa arrest shtëpiak tetë ditor, ndërsa mbrëmë gjykata ia vazhdoi masën edhe për tridhjetë ditë tjera, bënë të ditur 24VEST, transmeton Telegrafi Maqedoni.

I arrestuari Eftimov, i cili është student i Fakultetit të drejtësisë,  në profilin e tij të Facebook e sqaron tërë ngjarjen e javës së kaluar kur edhe ishte demoluar Zyra popullore e presidentit të shtetit.

Sipas Eftimov, në adresën e tij mbrëmë ka arritur vendim në të cilin thuhet se i vazhdohet masa e arrestit shtëpiak për 30 ditë. Ai shkruan që me ditë të tëra dëshiron të jep deklaratë me të cilën do ta pranojë veprën pjesëmarrje në turmë, por Prokuroria i shmanget këtij procesi, sepse, siç thotë ai, nëse i lejohet ta pranojë veprën nuk do të ketë bazë për masën e paraburgimit

Nga Plenumi studentor thonë që drejtësia selektive të cilën e zbatojnë institucionet nuk do ti frikësojë por përkundrazi do ti motivojë që në mënyrë akoma më  masive të përfshihen në protestat kundër qeverisë./Telegrafi/