Petreski: Qytetarët do të paguajnë taksa më të larta, por duan që paratë të përfundojnë në qëllime zhvillimore

Qytetarët do të paguajnë taksa më të larta, por duan që paratë të përfundojnë në qëllime zhvillimore, e jo te individët apo grupet, gjegjësisht të kenë shërbime më të mira dhe cilësore, thotë në një intervistë për “Radion Evropa e Lirë” Bllagica Petreski nga “Finance Think”.

“Ekonomia gri është një burim i rëndësishëm financimi ku Qeveria do të duhet t’i kushtojë më shumë vëmendje në periudhën e ardhshme dhe të tërheqë burime shtesë të fondeve nga këtu. Në hulumtimin e bërë nga Finance Think, tregon se ulja më e madhe e ekonomisë gri u arrit në vitin 2008 me kalimin nga taksa progresive në atë të sheshtë. Dhe për të qenë të qartë, ndoshta kjo ulje nuk vjen si pasojë e kalimit nga tatimi progresiv në atë të sheshtë, por shumë më tepër për shkak të uljes së përgjithshme të taksave në seksionin e të ardhurave personale.

Është një aspekt, nëse nuk ndërhyhet përmes tarifave tatimore, aspekti i dytë i ndërhyrjes dhe përballjes me ekonominë gri është forcimi i kapaciteteve administrative, mbi të gjitha kapacitetet e inspektorateve për të luftuar ekonominë informale. Këtu duhet përmendur edhe moralin tatimor, gjegjësisht bindjen e taksapaguesve se – po, do të paguaj taksa më të larta, por ato mjete do të përfundojnë për qëllime zhvillimore, e jo për qëllime të individëve apo grupeve të vogla të interesit”, thotë Petreski./Telegrafi/