Përleshje në parlamentin italian, një nga deputetët bëhet për ndihmën e shpejtë

Dje një deputet i opozitës është nxjerrë me karrocë nga parlamenti italian pas një debati dhe sherri gjatë debatit për autonomi më të madhe rajonale.

Leonardo Donno i lëvizjes populiste “Pesë Yjet” fillimisht u shty dhe më pas u rrëzua në dysheme, sipas mediave italiane.

Arsyeja është debati për autonominë e diferencuar të qarqeve, që do t’u jepte më shumë pushtet rajoneve ndërsa opozita e kundërshtoi me forcë këtë propozim.

Një pjesë e opozitës këndoi himnin kombëtar dhe vuri në dukje flamujt e atij vendi ndërsa kur Donno tentoi t’i jepte flamurin njërit prej ministrave, pati një shtyrje.

Ende nuk dihet nëse ka rënë vetëm apo dikush e ka shtyrë. Mësohet gjithashtu se një nga gardianët që tentoi të ndërhynte për t’i dhënë fund konfliktit ka mbetur i lënduar.

Nicola Fratoianni, një nga deputetët, tha se ata e goditën Donnin disa herë në kokë, duke e bërë atë të rrëzohej në tokë.

Më pas ai u sëmur dhe kishte nevojë për ndërhyrjen e mjekëve të cilët e morën me karrocë dhe e dërguan në spital.

Seanca është ndërprerë, ndërkohë që regjistrimet janë duke u shqyrtuar për masat e mundshme pas këtij incidenti. /Telegrafi/