Pep Guardiola besohet se është i lidhur me grupin që po hetohet për terrorizëm nga policia spanjolle

Trajneri i Manchester Cityt, Pep Guardiola, është paraqitur në një raport policor të lidhur me Tsunami Democratic (një grup protestues që mbron referendumin për vetëvendosje në Kataloni), të cilët janë nën hetim për terrorizëm në Spanjë.

Pas disa vitesh protestash që kërkonin të drejtën e publikut katalanas për të votuar për vetëvendosjen, policia spanjolle ka ngritur akuza kundër një prej organizatave kryesore përgjegjëse për ato protesta, Tsunami Democratic.

Policia shtetërore e Spanjës (Guardia Civil), pretendon se organizata është përgjegjëse për një “fushatë të fuqishme mediatike të promovuar nga nivelet më të larta politike dhe sektorët civilë pro-pavarësisë”. Kjo fushatë është diçka që ata besojnë se Guardiola mori pjesë.

Në raportin e policisë, në të cilin mediumi VozPopuli ka pasur akses, thuhet në vijim të Guardiolës.

“Ai nuk hezitoi të vinte zërin e tij në dispozicion të Tsunamit Demokratik, duke iu bashkuar kërkesave të tyre dhe duke inkurajuar popullsinë katalane të rebelohet kundër sundimit të ligjit”.

“Në fakt, me kalimin e viteve, prania e ish-trajnerit të Barcelonës në ngjarjet në favor të së drejtës për vetëvendosje dhe shkëputjes me shtetin spanjoll është rritur, madje duke iu bashkuar listës elektorale të Junts pel Si [Së bashku, për po]  në zgjedhjet rajonale të vitit 2015, duke qenë deri më sot një nga fytyrat më të dukshme të procesit të pavarësisë në nivel ndërkombëtar”.

Guardiola nuk i ka fshehur bindjet e tij se beson se Katalonia duhet të ketë të drejtën e votës. Gjithmonë i prirur për të promovuar kulturën katalanase, Guardiola kohët e fundit loboi që gjuha katalanase të përfshihej si gjuhë zyrtare e BE-së.

Hetimi për këtë organizatë është ende në vazhdim dhe po mbikëqyret nga Kanadaja si palë neutrale në këtë çështje. Momentalisht, duket se Guardiola nuk do të përballet me ndonjë pasojë për kërkesat e tij për vetëvendosje./Telegrafi/