Pasi ta shikoni këtë video do të jeni më i kujdesshëm në komunikacion (Video)

Në kryeqytetin francez brenda vitit ndodhin një numër i madh i aksidenteve në trafik, ku si pasojë humbin jetën rreth 4.500 persona.

Për këtë arsye autoritet e Parisit kanë menduar një fushatë kreative, në mënyrë që t’ia tërheqin vëmendjen qytetarëve dhe t’ju tregojnë se sa afër vdekjes janë, sa herë që marrin pjesë në çfarëdo mënyre në komunikacion, transmeton Telegrafi.

Të gjithë ata që do ta kalonin rrugën në vija të bardha derisa dritat e kuqe është e ndezur në semafor, do të dëgjohej një zhurmë që do t’i frikësonte këmbësorët, kurse kamerat në ato momente do t’i fotografonin duke i kapur në momente të pakëndshme.

Të gjitha fotografitë e shkrepura do të shfaqeshin në një ekran gjigant që gjendet në anën tjetër të rrugës, kurse qytetarët do të mbesnin të shokuar në momentin që do ta shihnin fytyrën e frikësuar nën të cilën shkruan:

“Mbi një milion aksidente ndodhin në botë gjatë një viti. Mbi një milion njerëz humbin jetën në këto aksidente. Kaloni me kujdes rrugën dhe mos lejoni që edhe ju të jeni pjesë e këtyre statistikave”. /Telegrafi/