Pas sulmit ukrainas në anije, 33 marinarë rusë konsiderohen të zhdukur dhe 19 tjerë u plagosën

Të paktën 19 marinarë rusë janë plagosur dhe 33 rezultojnë të zhdukur, pasi forcat e armatosura ukrainase sulmuan anijen e madhe Novocherkassk në portin e Feodosia të pushtuar në Krime.

Astra njoftoi se kishte 77 marinarë në bord në kohën e sulmit në natën e 25-26 dhjetorit, transmeton Telegrafi.

Sergei Aksyonov, udhëheqësi kukull i Krimesë i emëruar nga Rusia, raportoi më herët se një civil u vra dhe katër u plagosën si rezultat i sulmit në port.

Fakti që në momentin e sulmit kishte marinarë në anijen Novocherkask ishte raportuar më parë nga një tjetër media ruse, Agjencia. Ata thanë se të paktën dy oficerë mund të kenë qenë në bord në momentin e sulmit.

Shpërthimet tronditën Feodosia në Krimenë e pushtuar rreth orës 03:00 të datës 26 dhjetor. U raportua se një anije që dyshohet se mbante municion të prodhimit iranian u hodh në erë dhe një zjarr shpërtheu në port.

Gjeneral-lejtnant Mykola Oleshchuk, komandanti i Forcave Ajrore, konfirmoi se mbrojtësit ukrainas hodhën në erë anijen e madhe amfibe ruse Novocherkask në Feodosia të pushtuar.

Më vonë u zbulua se Novocherkask u shkatërrua nga raketat e lëshuara nga aeroplanët taktikë të Forcave Ajrore të Ukrainës.

Ministria ruse e Mbrojtjes raportoi se Novocherkask u dëmtua atë natë në Feodosia, “ndërsa zmbrapsnin një sulm nga forcat e armatosura ukrainase duke përdorur raketa të lëshuara nga ajri”.

Sipas Ministrisë ruse të Mbrojtjes, “gjatë luftimeve ajrore, dy aeroplanë luftarakë ukrainas Su-24 që gjuanin raketa, u shkatërruan nga sistemet e mbrojtjes ajrore”. Forcat Ajrore të Ukrainës e mohuan këtë. /Telegrafi/

JUST IN: Ukraine launches attack against Russia, destroying the Novocherkassk, a Russian warship in Crimea.

Ukraine has taken responsibility for the attack, claiming the ship was completely destroyed.

The ship was reportedly 360-feet long and had the ability to transport 10… pic.twitter.com/cfQHk0CLKg

— Collin Rugg (@CollinRugg) December 26, 2023