Pas 99 ditëve kthehet coronavirusi në Vietnam – askush nuk e di se si shpërtheu sërish pandemia

Vietnami dukej se kishte mposhtur coronavirusin pasi që nuk kishte raste të reja në 99 ditët e kaluara dhe jeta ishte kthyer në normale.

Sidoqoftë, një javë më parë, pati një shpërthim që nxiti ekzistencën e 43 rasteve në gjashtë pjesë të vendit, përfshirë tre qytetet më të mëdha të vendit, duke detyruar autoritetet të ri-vendosnin kufizimet, raporton thenewyorktimes.

Ekspertët janë të shqetësuar se pika e nxehtë mund të jetë shumë më e madhe se sa dihet aktualisht, transmeton Telegrafi.

Një burrë (57) u shtrua në spital shkaku i etheve dhe rezultoi se ishte pozitiv me COVID-19. Gjendja e tij shpejt u përkeqësua dhe tashmë po merr frymëmarrje artificiale.

Rasti i burrit ishte konfuz, ai nuk e la qytetin e lindjes për më shumë se një muaj, dhe testet e anëtarëve të familjes së tij dhe 100 kontakte të tjera të mundshme ishin negative.

Pastaj, punonjësit e shëndetit zbuluan tre raste të reja të infektuarve në Da Nang, ku të gjithë ishin ose pacientë ose punonjës shëndetësorë në spitalin e qytetit, ku burri është akoma në gjendje kritike.

Të hënën, autoritetet inkurajuan 80 mijë turistë të largoheshin nga qyteti duke u ofruar atyre fluturime falas dhe mijëra nga ata që kishin planifikuar të vinin ndryshuan planet e tyre.

Ndryshe, deri më sot autoritetet kanë zbuluar 43 raste të reja, duke përfshirë dy në kryeqytet, Hanoi. /Telegrafi/