Pamje të tjera nga Bosnja – një ekskavator u përdor për të nxjerrë njerëzit nga shtëpitë e rrethuara nga ujërat e përmbytjeve

Në një video që ka filluar të qarkullojë në rrjetet sociale shihet se sa të sfiduar kanë qenë banorët dhe autoritetet në Bosnjë e Hercegovinë, teksa pjesë të vendit u përballen me përmbytje shkatërruese.

Sipas mediave të huaja, përcjell Telegrafi, bëhet fjalë për pamje të marra të premten në Kiseljak, një qytet afër Fojnicës, që tregojnë një ekskavator që u përdor për të nxjerrë njerëzit nga shtëpitë që ishin të rrethuara nga ujërat e përmbytjeve.

@aljazeeraenglish

An excavator was used to carry people out of homes that were surrounded by floodwaters in central #Bosnia and Herzegovina. . Heavy #rain and #landslides have killed more than 20 people, while dozens are still missing amid widespread devastation. #news #flooding #extremeweather #bosnia🇧🇦

♬ original sound – Al Jazeera English

Siç theksohet më tej, bëhet fjalë për një ngjarje kur punëtorët e një kompanie ndërtimi u nisën të premten për të ndihmuar njerëzit e bllokuar në përmbytjet.

Ndryshe, të paktën 13 njerëz thuhet se kanë gjetur vdekjen pasi përmbytjet dhe rrëshqitjet e dheut shkaktuan shkatërrime në pjesë të Bosnjës dhe Hercegovinës qendrore gjatë 3 dhe 4 tetorit.

Zona e prekur më keq ishte Jablanica. /Telegrafi/