Orët luksoze të lojtarëve të Anglisë

Përfaqësuesja e Anglisë është kritikuar për mënyrën e eliminimit nga “Euro 2016”, duke pësuar 2:1 nga Islanda e vogël 2:1, në 1/8 e finales.

Por ndonëse lojtarët e Anglisë dështuan të shkëlqejnë në fushë, kyçet e dorës së tyre kanë shkëlqyer në aeroport pas kthimit nga Franca, përcjell Koha Ditore.

Disa nga orët e dorës të lojtarëve të Anglisë, përfshirë ato të Daniel Sturridget, Jack Wilsheret dhe Jamie Vardyt, kapin vlerën e rreth 36 mijë funteve, pasi janë të markës Rolex apo Hublot.
Ish-mbrojtësi i Liverpoolit, Jamie Carragher, thotë se lojtarët tash po përkëdhelen nga mosha e re, duke u paguar me shifra të majme dhe nuk e kuptojnë botën e vërtetë.

Një pjesë e këtij problemi shpesh është shifra e madhe e parave që marrin lojtarët në Premier League, që i lejon të shpenzojnë shifra të çmendura në gjëra të tilla.

“Sportsmail” ka shikuar në disa prej orëve që kanë pasur në dorë dështakët e Anglisë në “Francë 2016”.

Daniel Sturridge – “Audemars Piguet Royal Oak” – 60 mijë euro

“Audemars Piguet” ka një histori të madhe dhe është prodhuesi më i vjetër i orëve që ende është në duart e familjes themeluese. Ekziston që nga viti 1875. Orët e kësaj firme prodhohen në Vallee de Joux në Zvicër dhe kanë modele nga ato sportive e deri te klasiket dhe tradicionale.

Daniel Sturridge ka një orë të markës Audemars Piguet Royal Oak Perpetual Calendar, që kap vlerën e 60 mijë eurove.

Danny Rose – “Rolex Sky-Dweller” – 39 mijë euro

Danny Rose dhe Anglia mund të jenë kthyer në shtëpi nga Franca më herët, mirëpo mbrojtësi i majtë i Tottenhamit, Danny Rose, është mirë i përgatitur për çdo udhëtim jashtë vendit në të ardhmen.

Ora Rolex Sky-Dweller ofron për udhëtarët ndërkombëtarë, mundësinë e shikimit si kohës lokale ashtu edhe kohën referente. Po ashtu është nga ari. Kushton rreth 39 mijë euro.

Jamie Vardy – “Hublot Rose Gold” – 33 mijë euro

Hubloti është një markë relativisht e re dhe luksoze e orëve të dorës, e themeluar në vitin 1980 nga italiani Carlo Crocco.
Jamie Vardy vërtet se ka lëvizur nga ditët e tij në rangjet amatore për në skenën e luksit të futbollit profesionist. Ai ka firmosur kontratë të re të vlefshme 100 mijë funte në javë me Leicester Cityn. Ai ka një orë Hublot Rose Gold që ka vlerë rreth 33 mijë euro.

Jack Wilshere – “Audemars Piguet Royak Oak” – 32 mijë euro

Mesfushori i Arsenalit, Jack Wilshere, ka zgjedhur një orë që konsiderohet të jetë më inovativja në histori të orëve të dorës. Audemars Piguet Royal Oak Offshore u krijua në vitin 1972 dhe ishte ora e parë e bërë nga çeliku që nuk ndryshket. Kjo ka pasur ndikim në gjithë industrinë e orëve.

Kyle Walker – “Rolex Yachtmaster II” – 15 mijë euro

Yachtmaster fillimisht ishte krijuar për të përmbushur nevojat e marinarëve. Në garat e jahteve, Kyle Walker do të ishte mirë i përgatitur, pasi ka një orë “Rolex Yachtmaster II” që vlen 15.000 euro.

Ryan Bertrand – “Rolex Datejust” 7300 euro

“Rolex Datejust” është një nga orët më klasike të shfaqura në kyçet e duarve të lojtarëve të Anglisë. Ryan Bertrand kishte një të tillë. Ato janë kryesisht punë dore për të siguruar perfeksionin.

Eric Dier – R”olex Explorer” – 5.100 euro

Eric Dier ka qenë një nga lojtarët e Anglisë që ka dalë nga “Euro 2016”, duke impresionuar me rolin e tij si mesfushor defansiv.

Aftësia e tij për të lexuar lojën ka luajtur rol të rëndësishëm dhe ai nuk do të ketë vështirësi të lexojë edhe orën e tij “Rolex Explorer”. Është dizajnuar pas përvojës në Himalaje dhe përmban çelik që nuk ndryshket për ta mbrojtur nga korezioni.