Nuk ka vende në dhoma, pacientët me coronavirus qëndrojnë në korridore – pamje nga një spital në Itali

Pacientët e prekur nga coronavirusi janë filmuar të shtruar në shtretërit përgjatë korridoreve të një spitali italian.

Ndërkohë, sipas medieve të huaja, përcjell Telegrafi, kamionët ushtarakë janë vendosur për të transportuar shumë arkivole të viktimave.

Siç shkruan Daily Mail, bëhet fjalë për pamje nga një spital i mbipopulluar i Bergamos, që tregojnë pacientë të shtrirë në shtretërit e spitalit të cilët ishin të vendosur në korridorin e një njësie të kujdesit intensiv.

Ndryshe, me 3,405 viktima nga coronavirusi, Italia ka kaluar Kinën, me një rritje të 427 viktimave vetëm të mërkurën.

Kështu, siç shkruan agjencia e lajmeve ANSA, tha të enjten Komisioneri i Urgjencës dhe Shefi i Mbrojtjes Civile, Angelo Borrelli, përcjell Telegrafi.

Ndryshe, numri i vdekjeve në Kinë është 3.245 ndërkohë rritja e përditshme e së mërkurës në Itali ishte 475.

Borrelli tha se 33.190 njerëz aktualisht janë të infektuar me coronavirus në Itali, 4,480 më shumë se të mërkurën.

Ai tha se 4,440 njerëz janë shëruar nga COVID-19 në Itali, 415 më shumë se të mërkurën.

Po sipas ANSA, numri i përgjithshëm i infektuarve, përfshirë ata që kanë vdekur dhe ata që janë shëruar, është rritur në 41.035.

Ndërsa sipas USA Today, numri global i vdekjeve kaloi shifrën 9.300; ka pasur më shumë se 230,000 raste të konfirmuara. /Telegrafi/