Një raketë ruse e rrëzuar nga Ukraina ka rënë në Moldavi, raportohet për shtëpi të dëmtuara

Qeveria e Moldavisë ka njoftuar se një raketë ruse që u rrëzua nga mbrojtja ajrore ukrainase mëngjesin e së hënës, ka rënë në një fshat në veri të atij vendi dhe disa media raportojnë se ka edhe shtëpi të dëmtuara.

Si pasojë, shkruajnë mediat e huaja, përcjell Telegrafi, në fshatin Naslavcea janë thyer xhamat e shtëpive, por nuk ka të lënduar nga rënia e raketës, njoftoi Ministria e Brendshme e Moldavisë.

Siç raportohet më tej, autoritetet ukrainase informuan Moldavinë mëngjesin e sotëm për sulmin rus ndaj digës në hidrocentralin Dniester.

Ajo ndodhet rreth 10 kilometra nga fshati Naslavcea, por është shtuar se diga nuk është dëmtuar nga sulmi.

#BREAKING The Moldovan government said a Russian missile shot down by Ukrainian air defences fell on a village in northern Moldova on Monday, but without causing any injuries. pic.twitter.com/CRGI59i2AN

— AFP News Agency (@AFP) October 31, 2022

Ndryshe, Rusia nisi një breshëri sulmesh në të gjithë Ukrainën, përfshirë në kryeqytetin Kiev, duke synuar infrastrukturën energjetike dhe furnizimin me ujë, thanë autoritetet.

Shpërthime të shumta u dëgjuan në të gjithë vendin të hënën në mëngjes, me shpërthime të raportuara në periferi të Kievit, Dnipro, Zaporizhzhia, Kirovohrad dhe rajone të tjera, përcjell Telegrafi.

Kështu, alarmet ajrore u shpallën në të gjitha rajonet e Ukrainës, përveç Krimesë, të cilën Rusia e aneksoi ilegalisht nga Ukraina në vitin 2014. /Telegrafi/