Një fëmijë dhe një i rritur në gjendje të rënduar në QKUK, u goditën nga veturat

Policia e Kosovës ka njoftuar se në dy raste të ndara gjatë 24-orëve të fundit, dy persona kanë përfunduar në Qendrën Klinike Universitare të Kosovës dhe janë në gjendje të rëndë, pasi janë goditur nga vetura.

Njëri nga të lënduarit është një fëmijë, i cili sipas mjekëve është në gjendje të rëndë.

Rastet kanë ndodhur gjatë të hënës, njëri në rrugën “Bill Klinton”, në Prishtinë, ndërsa rasti tjetër në fshatin Tërnavë të Podujevës.

Policia në raportin ditor ka bërë të ditur se për këto raste janë arrestuar dy persona.

Detaje nga raporti i Policisë së Kosovës:

Rr. Bill Klinton, Prishtinë 30.06.2020-11:00. Është arrestuar e dyshuara femër kosovare pasi që e njëjta derisa ishte duke drejtuar veturën, dyshohet nga pakujdesia në vendkalim për këmbësor ka goditur viktimën mashkull kosovar i cili ka pësuar shkaktuar lëndime trupore. Viktima është duke u trajtuar në QKUK, sipas mjekëve gjendja e tij është e rënduar. Në konsultim me prokurorin, e dyshuara është dërguar në mbajtje.

Fsh. Tërnavë, Podujevë  30.06.2020-19:20. Është arrestuar i dyshuari mashkull kosovar pasi që i njëjti derisa ishte duke drejtuar veturën në rrugë lokale, dyshohet nga pakujdesia ka goditur me veturë  një  fëmijë , e cila ka pësuar lëndime trupore. Viktima është dërguar për trajtim në QKUK, sipas mjekëve gjendja e saj është e rëndë . Në konsultim me prokurorin, i dyshuari është dërguar në mbajtje. /Telegrafi/