Nga lamtumira e Federer, as Nadal nuk ia doli t’i mbante lotët

Roger Federer e zhvilloi të premten mbrëma ndeshjen e fundit zyrtare në tenis, duke i dhënë lamtumirën sportit që i dhuroi aq shumë e që e shndërroi në një ikonë në mbarë botën.

Sfida e fundit për zviceranin ishte tejet speciale pasi bëhej fjalë për një ndeshje dyshe dhe ai bashkëpunoi me rivalin dhe një nga miqtë e tij më të mirë, Rafael Nadal. Në fakt, dyshja evropiane e turneut Laver Cup, e humbi sfidën me shifrat 2-1 ndaj dyshes amerikane, Jack Sock dhe Frances Tiafoe.

Megjithatë, disfata e fundit në karrierë, nuk kishte kurrsesi shans të prishte atmosferën e krijuar në Londër, aty ku i gjithë publiku përshëndeti Federer, e po njëjtë bënë edhe kolegët e tij ku spikasnin Tsitsipas, Novak Djokovic, Berretini, Casper Ruud apo edhe Andy Murray.

Sigurisht mes emocioneve të mëdha teksa organizatorët u kujdesën edhe për të kujtuar momentet më speciale të Federer gjatë karrierës së tij, 41-vjeçari nuk mundi të mbante lotët, ashtu si edhe Nadal që u prek tejmase nga lamtumira e mikut të tij.

E sigurt është se tashmë tenisi pa Roger Federer nuk është më i njëjti, me zvicerianin që konsiderohet si një nga më të mirët e këtij sporti me 20 tituj Grand Slam.

Përveç titujve, 41-vjeçari është dalluar teknikën e lartë si dhe klasin që e shoqëronte gjithnjë në fushë, por edhe jashtë saj. /Telegrafi/

Rafa Nadal and Roger Federer in tears after Federer’s retirement is the best sports moment you’ll see in some time.

Ultimate respect. 🐐🐐 pic.twitter.com/fUeY8wQSTM

— Barstool Sports (@barstoolsports) September 23, 2022