Neymar: Pse duhet të largohem nga PSG-ja?

Neymar i ka hedhur poshtë zërat se do të largohet nga Paris Saint-Germain dhe do të rikthehet në Spanjë.

Ish-sulmuesi i Santosit u largua nga Camp Nou për skuadrën franceze në verën e vitit 2017 për një shumë rekorde 222 milionë euro, por tani thuhet se e dëshiron largimin nga Parku i Princave.

27-vjeçari në vazhdimësi lidhet me një rikthimin në Spanjë, derisa kërkohet nga Barcelona dhe Real Madridi.

Sidoqoftë, braziliani ka thënë se ai është një parisien dhe nuk ka arsye që të largohet nga aty.

“Pse duhet të largohem nga PSG? Jam parisien dhe po e jap 100 %”, ka thënë Neymar për France Football.

“Do të jap më të mirën për PSG-në në fushë. Asnjëherë nuk kam dashur ta lëndoj dikë, por në mendjen time është që nëse nuk jeni i lumtur, duhet të largoheni”.

“Në Barcelonë, ju e shijoni futbollin me një intensitet tjetër – kam mësuar shumë gjëra dhe kjo është se përse jam ndier aty shumë mirë”.

“Jam larguar pas kërkoja qëllime të reja. Nuk ka të bëjë asgjë me atë që ta fitoja Topin e Artë dhe të jem në nivel të njëjtë me Messin”, ka shtuar më tej ai.

Neymar ka munguar në shumë ndeshje te PSG, pasi ka humbur 46 nga 95 përballje shkaku i lëndimeve të njëpasnjëshme. /Telegrafi/