Nëna gjendet e vdekur në shtratin e saj, pak pasi u infektua me coronavirus – djali i saj po lufton për jetën në një spital në Angli

Një nënë ka vdekur derisa ishte në gjumë në shtëpi pasi kishte simptoma të coronavirusit – dhe sot djali i saj më i vogël po lufton për jetën e tij në spital pasi u ekspozua.

Sipas medieve të huaja, përcjell Telegrafi, Linda Tuppen, nga Greater Manchester – Angli, u gjet e pajetë nga djali i saj i madh Rob, 28 vjeç, të shtunën e kaluar – pesë ditë pasi filloi të ndjehej keq.

Siç bëhet e ditur, 66-vjeçarja ishte kujdesur për djalin e saj Rob, i cili kontraktoi coronavirusin pasi u kthye nga Krakow në fillim të muajit, përpara se të sëmuret vetë.

Djali më i vogël i Linda, James, 23 vjeç, u pranua në spital me coronavirus të dielën, ku ai është ende duke luftuar me virusin.

Linda filloi të ankohej për një infeksion në gjoks më 23 mars dhe simptomat e saj u përshkallëzuan deri në dhimbje në sinuset e saj, duke bërë që ajo të qëndrojë në shtratin saj tërë ditën të enjten dhe të premten.

Djali i saj, inxhinier softuerësh Rob, nga Bolton, ishte aq i shqetësuar për nënën e tij sa që telefonoi urgjencën.

Linda, një mësuese e ish-infermiere shumë e dashur, nuk pranoi të fliste me ta dhe tha që ajo thjesht dëshironte të flinte.

Por, në mënyrë tragjike, kur ai shkoi ta kontrollonte atë mëngjesin tjetër zbuloi se ajo kishte ndërruar jetë. /Telegrafi/