Mbretëresha Elizabetë e Britanisë së Madhe feston 70 vjetorin e martesës me princin Philip dhe për këtë ditë, do t’i dhurohet torta me pamjen e njëjtë si ditën kur ka lidhur kurorë.
Pastiqeria Le Cordon Bleu ka kaluar muaj të tërë përgatitjesh, për të punuar ëmbëlsirën që peshon afro 250 kilogramë, ndërsa është e gjatë shtatë metra, transmeton Telegrafi.
Origjinali i para 70 vitesh
Torta në të cilën do të hidhen 700 vezë dhe 15 litra rum, do të ketë edhe pamjen e njëjtë, sikur ajo që e kanë shijuar mysafirët e çiftit mbretëror para shtatë dekadash.
Mirëpo, kësaj radhe vetëm pjesa e poshtme do t’i shërbehet të ftuarve në ahengun që zhvillohet në pallat, teksa tri shtresa tjera do të shkojnë te pensionistët që banojnë në qendra për të moshuar.
Torta gjigante për përvjetor
Veçanti tjetër e tortës, është se nuk ka ndonjë recetë të origjinalit, por e tëra është rikrijuar nga kuzhinierët profesionist, bazuar vetëm në fotografitë e të vjetrës.
Për të krijuar shtresën mbështjellëse janë shpenzuar 50 kilogramë sheqer, teksa në brendësi janë edhe 30 kilogramë butër, 80 portokaj dhe limona, si dhe 120 kilogramë arra të thyera. /Telegrafi/
