NATO fillon stërvitjen më të madhe të dislokimit të forcave ajrore në Evropë

NATO do të nisë të hënën stërvitjen më të madhe të dislokimit të forcave ajrore në Evropë në historinë e aleancës në një shfaqje të unitetit ndaj partnerëve dhe kërcënimeve të mundshme si Rusia.

Sipas mediave të huaja, përcjell Telegrafi, “Air Defender 23” e udhëhequr nga Gjermania do të jetë deri më 23 qershor dhe do të përfshijë rreth 250 aeroplanë ushtarakë nga 25 vende të NATO-s dhe partnere, duke përfshirë Japoninë dhe Suedinë, e cila pritet t’i bashkohet aleancës.

Siç thuhet më tej, deri në 10,000 njerëz do të marrin pjesë në stërvitjet që synojnë të rrisin ndërveprimin dhe gatishmërinë për t’u mbrojtur nga dronët dhe raketat e lundrimit në rast të një sulmi në qytete, aeroporte ose portet detare brenda territorit të NATO-s.

The largest air force deployment exercise in NATO history, Air Defender 23, kicks off today
From 12 to 23 June, 10,000 participants from 25 countries will train on 250 aircraft, including 190 combat aircraft, in European airspace.
Wunstorf Air Base in Germany is the centerpiece… pic.twitter.com/4vD5aUevNx

— S p r i n t e r F a c t o r y (@Sprinterfactory) June 12, 2023

Duke prezantuar planet javën e kaluar, gjenerallejtënant Ingo Gerhartz i Luftwaffe gjermane tha se “Air Defender” u konceptua në vitin 2018 pjesërisht si një përgjigje ndaj aneksimit rus të Krimesë nga Ukraina katër vjet më parë.

Ai theksoi se ndërsa NATO do të mbronte “çdo centimetër” të territorit të saj, stërvitja nuk do të “dërgojë asnjë fluturim, për shembull, në drejtim të Kaliningradit”, enklavës ruse në kufi me shtetet anëtare të aleancës, Poloninë dhe Lituaninë.

“Ne jemi një aleancë mbrojtëse dhe kështu është planifikuar kjo stërvitje”, ka shtuar ai. /Telegrafi/