Mustafa: E papranueshme se si Vuçiq flet për resurset e tokat e Kosovës sikur të ishin të tijat

Kreu i LDK-së, Isa Mustafa ka thënë se është normale që Presidenti i një vendi fqinj të vizitojë vendin tonë, duke iu referuar presidentit serb, Aleksandar Vuçiq.

Ka thënë se territori  nuk është i negocueshëm me askënd për aq sa nuk është e negocueshme Pavarësia e Kosovës.

“Edhe përkundër deklaratave rrahagjokse të bartësve të institucioneve të Kosovës, Presidenti i Serbisë Aleksandër Vuçiq po e viziton veriun e Kosovës sipas agjendës së tij. Problemi nuk qëndron në faktin se një President i një vendi fqinj po e viziton vendin tonë, sepse në një logjikë normale ajo të ishte e natyrshme, ashtu siç do të ishte e natyrshme që Presidenti ynë të vizitojë Serbinë”, ka thënë Mustafa.

Mustafa e ka quajtur të pranueshme që Vuçiq të flasë për resurset natyrore dhe tokën sikur të ishin të tij.

“Është e papranueshme që një president i një vendi fqinj të flet për resurset tona natyrore si të ishin të tijat dhe për tokën tonë si tokë të tij. Sa është e papranueshme që Presidenti ynë në mënyrë jo-kushtetuese, i kurthuar në grackat serbe dhe të atyre që ishin kundër pavarësisë së Kosovës, të shpreh pretendialsekanderme territoriale ndaj një vendi fqinj, sepse këtu gjen hapësirë sjellja e papranueshme dhe hegjemoniste e Vuçiqit”, ka theksuar Mustafa.

“Kosova ka territorin e saj, mbi të cilin e ka shpallur pavarësinë dhe ky territor nuk është i negocueshëm me askënd për aq sa nuk është e negocueshme pavarësia e Kosovës”, tha ai, përcjell Telegrafi.