Morena Taraku vizitoi fëmijët e prekur nga tërmeti: Nuk kam qarë kaq shumë që kur nëna ime vdiq, 15 vjet më parë

Këngëtarja dhe modelja e njohur shqiptare, Morena Taraku, e cila tash e sa kohë jeton dhe vepron në Turqi, së fundmi udhëtoi drejt shtetit shqiptar.

Ajo ka shkuar në Shqipëri për t’i ndihmuar të prekurit nga tërmeti fundit (26 nëntor), ku pati viktima të shumta, njerëz të lënduar por edhe dëme të mëdha materiale.

Derisa qëndroi atje, 26-vjeçarja përveç se vizitoi fëmijën që u hodh nga kati i pestë për t’i shpëtuar tërmetit, takoi edhe disa fëmijë të tjerë.

https://www.instagram.com/p/B5oCTKVlM4o/

E njëjta në rrjetet sociale ka publikuar një video, përmes së cilës tregon se kaloi ca kohë të mirë me fëmijët dhe se ndau shumë tregime me ta.

“Unë qava dhe nuk mund të ndalesha. Unë nuk kam qarë aq fort që kur nëna ime vdiq 15 vjet më parë. T’iu dëgjoj juve dhe të dëgjohem nga ju, do të thotë bota për mua, dhe unë gjithmonë do t’i mbaj bisedat dhe tregimet që kemi ndarë këto ditë të fundit”.

Lexo po ashtu Morena Taraku dhe Stresi vizitojnë në Tiranë fëmijën që u hodh nga kati i pestë për ti shpëtuar tërmetit

“Gjithmonë mund të më kontaktoni në Instagram ose në e-mail, dhe zemra ime do jetë e hapur gjithmonë për juve”, ka shkruar mes të tjerash në postimin e saj artistja e njohur.

https://www.instagram.com/p/B5pkV2vlZoi/

Për tragjedinë në Shqipëri, Morena kontribuoi edhe nga ana financiare, teksa bëri të ditur se ka dhuruar 1000 mijë.

Këto ditë, një vizitë enkas për të prekurit nga tërmetet e ka realizuar edhe artistja shqiptare me famë ndërkombëtare, Bebe Rexha. /Telegrafi/