Moment i sikletshëm për Beyonce – i rrëshqet fustani gjatë performancës, por ndihmohet nga një prej valltarëve për të mos e parë publiku

Beyonce shmangu një incident të vogël gjatë shfaqjes së saj të fundit në Gjermani falë një prej kërcimtarëve.

Gjatë performancës në Hamburg, këngëtarja e “Cuff It”, 41-vjeçe, doli në skenë me një fustan rozë provokues të çarë në pjesën e këmbëve.

Ndërkohë që po performonte hitin “Break My Soul”, një nga rripat lart të fustanit filloi t’i rrëshqasë.

Për fat të mirë, një nga vëllezërit e grupit francez të kërcimit ‘Les Twins’ – që përbëhet nga Laurent dhe Larry Nicolas Bourgeius – u hodh në veprim, duke u shfaqur para Beyonces për të penguar turmën që bërtiste të mos shihte asgjë.

Lexo po ashtu Beyonce shkëlqen me fustanin e kuq në koncertin e radhës në Amsterdam

Ai kapi dorën e fitueses së “Grammy”-t, duke e vendosur në pjesën e sipërme të fustanit të saj me tegela, për të treguar se ajo duhej të bënte një rregullim të shpejtë.

Momenti u kap në video nga fansat dhe tanimë është bërë viral nëpër rrjetet sociale.

Beyonce ka dalë në skenë me një mori veshjesh të mahnitshme që kur turneu i saj filloi në maj, përfshirë krijime nga Gucci, Dolce & Gabbana, Alexander McQueen dhe Valentino.

Beyonce do të nisë turneun e saj botëror “Renaissance” në Amerikën e Veriut në korrik. /Telegrafi/