Modeli dhe aktori Jax Taylor diagnostikohet me çrregullim bipolar e të stresit post-traumatik

Jax Taylor ka marrë disa përgjigje pas vizitës në një institucion spitalor për trajtim të shëndetit mendor në fillim të kësaj vere.

“Pak më shumë se një muaj më parë, frekuentova një institucion trajtimi intensiv, i frikësuar nga e panjohura dhe çfarë do të mësoja për veten time”, filloi ylli i “Valley”, 45 vjeç, në një postim në Instagram të hënën, 2 shtator.

“Pas shumë vitesh duke ditur se diçka nuk ishte në rregull, por duke mos ditur saktësisht se çfarë ishte, kohët e fundit mësova se u diagnostikova me Çrregullim Bipolar dhe PTSD”, tha tutje ai.

View this post on Instagram

A post shared by Jax (@mrjaxtaylor)

Aktori i famshëm shtoi: “Është dashur shumë që ta përpunoj dhe një kohë emocionale për mua, megjithatë unë jam kthyer në shtëpi tek djali im me një ndjenjë të re të paqes. Do të gënjeja nëse do të thoja se nuk kisha frikë për të ardhmen, por fokusi im është thjesht të përpiqem të jem një version më i mirë i vetes se sa dje. Shëndeti mendor është një betejë e përjetshme për të mos lejuar që ai të të kontrollojë, por të mësosh ta kontrollosh atë”.

Ylli i “i Vanderpump Rules” përfundoi duke falënderuar fansat dhe ndjekësit që e kanë mbështetur gjatë gjithë rrugëtimit të tij të shëndetit mendor.

View this post on Instagram

A post shared by Jax (@mrjaxtaylor)

“Mesazhet e juaja më kanë ndihmuar më shumë se sa mund të imagjinoni”.

Us Weekly konfirmoi më 30 korrik se Taylor ishte nën trajtim në mes të ndarjes së tij nga gruaja, Brittany Cartwright.

View this post on Instagram

A post shared by Jax (@mrjaxtaylor)

“Jax ka qenë gjithmonë i sinqertë në lidhje me problemet e tij për shëndetin mendor, veçanërisht gjatë muajve të fundit”, tha një zëdhënës i Taylor në një deklaratë.

“Kjo është një kohë veçanërisht e ndjeshme për të dhe familjen e tij. Ata kërkojnë privatësi dhe respekt derisa ai të jetë gati të flasë më shumë për këtë çështje”. /Telegrafi/