Mitreski: Nuk ka zgjedhje të parakohshme, as shumicë të re parlamentare

Para nesh është një periudhë në të cilën deputetët, e veçanërisht ata të OBRM-PDUKM-së, duhet të mendojnë se në cilin drejtim do t’i marrin vendimet e tyre, gjegjësisht në cilin drejtim do ta çojnë shtetin me vendimet e tyre, tha deputeti dhe koordinatori i Grupi parlamentar i LSDM-së, Jovan Mitreski në emisionin “10 minuta” në “TV21”.

Duke iu referuar punës së shumicës parlamentare, Mitreski tha se ajo është stabile, ndërsa retorika e Hristijan Mickoskit është vetëm për qëllime të brendshme partiake për ta mbajtur anëtarësinë në lajthitje.

“Mickoski e ka ngritur këtë çështje gjatë tre viteve, nga seanca konstituive e tutje, pohon se kjo përbërje parlamentare nuk do të zgjasë shumë, se do të pasojnë zgjedhje të shpejta, kështu që shpalli shumicën e re, pastaj shpërndarjen e Kuvendit.

Ata e përdorin atë retorikë ekskluzivisht për qëllime të brendshme partiake, dhe ajo është mohuar vazhdimisht gjatë një periudhe prej tre vjetësh. Këtu po e mohoj sot, nuk do të ketë zgjedhje të parakohshme, nuk do të ketë shumicë të re, nuk do të ketë ulje të shumicës aktuale, shumica mund të rritet”, tha Mickoski, duke shtuar se dera është e hapur për të gjithë partitë politike që janë për rrugën evropiane./Telegrafi/