Mike Tyson flet pas humbjes nga Jake Paul

Legjenda e boksit, Mike Tyson ka folur pas humbjes nga Jake Paul, në meçin e shumëpritur të zhvilluar mëngjesin e sotëm (e shtunë) në Teksas.

Rikthimi i diskutueshëm i 58-vjeçarit Tyson në boks përfundoi me një humbje mga Paul, me vendim unanim të gjyqtarëve.

Tyson mezi godiste grushte gjatë ndeshjes me tetë raunde në stadiumin AT&T në Arlington të Teksasit, me Paulin që fitoi me rezultate të mëdha nga tre gjyqtarët – 80-72, 79-73 dhe 79-73.

Lexo po ashtu Jake Paul mposht Mike Tyson në meçin e shumëpritur të boksit

Pas humbjes, Tyson tha se ishte i kënaqur me performancën e tij pavarësisht natyrës së humbjes unanime.

“Kam ardhur për të luftuar. Nuk i kam vërtetuar asgjë askujt, vetëm vetes… Jam i kënaqur me atë që mund të bëj”, ka thënë fillimisht Tyson.

Mike Tyson rates Jake Paul 🤝#PaulTyson pic.twitter.com/uqiBzrvJkg

— BBC Sport (@BBCSport) November 16, 2024

Tyson kishte luftuar me një mbajtëse në gjurin e tij të djathtë, por tha se kjo nuk kishte ndikuar në performancën e tij.

“Nuk mund ta përdor këtë si justifikim. Nëse do ta bëja, nuk do të isha këtu”.

Lexo po ashtu “Ishte vërtet e vështirë siç prisja të ishte”, deklarata e Jake Paul pas triumfit ndaj Mike Tyson

Nderkohë, Tyson vlerësoi cilësinë e kundërshtarit të tij Paul, i cili e ka ndarë me sukses një karrierë si një Youtuber popullor dhe krijues i përmbajtjes në një varg garash fitimprurëse boksi si ngjarja e sotme, e financuar dhe transmetuar nga gjigandi i transmetimit Netflix.

“Ai është një luftëtar shumë i mirë”, tha Tyson, i cili nuk pranoi të përjashtonte mundësinë që ai madje të luftonte përsëri.

“Nuk e di. Kjo varet nga situata. Unë nuk mendoj kështu”, përfundoi legjenda e boksit, kur u pyet nëse meçi ndaj Paul ishte i fundit për të. /Telegrafi/