Mbretërit e pornografisë kërkojnë ndihmë nga Kongresi

Dy mbretërit e industrisë pornografike amerikane nga të cilët njëri është Larry Flynt, botues i revistës “Hustler”, kanë kërkuar nga Kongresi që të zhbllokoj pesë miliardë dollarë në dobi të sektorit të tyre.

Në një deklaratë ironike të publikuar në Los Angeles, Flynt dhe Joe Francis të cilët qëndrojnë prapa DVD serialit "Girls Gone Wild", i janë drejtuar Kongresit me “planin e shpëtimit të ngjashëm me atë të cilin e kërkojnë tre prodhuesit më të mëdhenj të automjeteve".

"Për shkak të recesionit, amerikanët janë të stresuar dhe nuk janë aktivë seksualisht. Kjo është një e keqe për vendin. Amerikanët mund të rrinë pa makina, por jo pa seks”, thuhet në një deklaratë të biznesmenëve të seksit, që kërkojnë 5 miliardë dollarë.

Flynt e Francis pohojnë se pornografia në Shtetet e Bashkuara të Amerikës ka profit vjetor prej 13 miliardë dollarësh dhe se, “pa marrë parasysh asaj që ky sektor nuk do të shkatërrohet, ndoshta do të ishte më mirë të mos merret përsipër rreziku?".