Mbi 2200 persona dyshohet se janë abuzuar seksualisht nga stafi i një kishe në Gjermani

Sipas një raporti nga ekzaminimi i dokumenteve dhe të dhënave nga kishat rajonale, të paktën 1,259 njerëz që punojnë për Kishën Protestante të Gjermanisë, thuhet të kenë kryer abuzim seksual në dekadën e fundit.

Autorët e raportit vlerësojnë se numri aktual i autorëve të abuzimit ka të ngjarë të jetë ende më i lartë, ndërsa numri i viktimave thuhet të jetë 2,225.

Ky hulumtim vjen me kërkesë të Kishës Protestante, e cila mundësoi edhe financimin e tij me 3.6 milionë euro, raporton \.

Objektivi kryesor i tij ishte analizimi i strukturave të brendshme të kishës që kontribuojnë në dhunën dhe abuzimin me pushtetin.

Peshkopi Kirsten Fehrs nga Hamburgu, u kërkoi ndjesë të përzemërt viktimave.

“Si institucion, ne kemi qenë gjithashtu fajtorë për krime të panumërta kundër njerëzve të panumërt”, tha Fehrs, duke shtuar se ishte “thellësisht i tronditur” nga studimi.

Ky studim vjen pas zbulimit të një numri marramendës të abuzimeve seksuale nga kleri i Kishës Katolike në Gjermani në vitin 2018. /Telegrafi/