Mbappe rikthehet te PSG, por jo në mënyrë të zakonshme si lojtarët e tjerë

Kylian Mbappe është rikthyer te Paris Saint-Germain përpara sezonit përgatitor, me sulmuesin francez që fillon një kapitull të ri në klub pasi nënshkroi një mega marrëveshje  prej 50 milionë euro, por është edhe në bordin drejtues.

23-vjeçari u fotografua duke dalë nga një automjet dhe duke ecur në kompleksin stërvitor të klubit ndërsa ishte i veshur me një bluzë dhe syze dielli.

Për një kohë të gjatë, dukej shumë e pamundur që Mbappe të kalonte sezonin 2022-2023 me kampionët francezë.

Por, fituesi i Kupës së Botës hodhi poshtë ofertat e Real Madridit për të rënë dakord për një kontratë të re trevjeçare shumë fitimprurëse në Parc des Princes me vlerë mbi 700,000 euro në javë.

PSG-ja bëri përpjekje të jashtëzakonshme për të siguruar të ardhmen e lojtarit të tyre me Mbappen, i cili fitoi një bonus nënshkrimi prej 130 milionë euro, i cili është ndër fituesit më të lartë të futbollit.

Gjithçka ka ndryshuar në disa drejtime në PSG, megjithatë, me trajnerin e ri Christophe Galtier që filloi të punojë në stërvitje pasi zëvendësoi Mauricio Pochettinon.

Look who's back… 😏🔙pic.twitter.com/dGAalYqsqf

— Paris Saint-Germain (@PSG_English) July 11, 2022

Megjithëse PSG-ja fitoi edhe një herë titullin e Ligue 1 sezonin e kaluar, duke përfunduar 15 pikë përpara rivalëve Marseille, ata dështuan në Kupën e Francës dhe pësuan një eliminim poshtërues në Ligën e Kampionëve nga Real Madrid.

Dhe Mbappe, i cili shënoi 39 herë në 46 paraqitje sezonin e kaluar, do të jetë integral në shanset e tyre për të thyer përfundimisht Ligën e Kampionëve. /Telegrafi/