Martin Zubimendi shihet si favorit për të zëvendësuar Busquets te Barcelona

Barcelona e di se njëri nga pozicionet që duhet të përforcohet është qendra e mesfushës pasi Sergio Busquets do të largohet nga klubi katalunas në verë pasi t’i përfundojë kontrata dhe do të nisë një aventurë në futbollin amerikan.

Ky është tashmë qëllimi i tij dhe nuk duket se do të ndryshojë planet e tij. Kjo do të thotë se Barcelona duhet të kërkojë një zëvendësues urgjentisht.

Përveç kësaj, pozicioni i mesfushorit qendror është i vetmi që Xavi nuk e ka dyfishuar në skuadër, ka disa lojtarë që mund të luajnë në atë pozicion, por ata nuk janë natyral.

Zëvendësimet

Ditët e fundit kanë qenë të shumtë emrat e përforcimeve të mundshme për skuadrën, pasi u tha se Barcelona ishte në kërkim të lojtarëve që u mbarojnë kontratat.

Megjithatë, lojtari që është favorit për të përforcuar skuadrën është Martin Zubimendi.

Lojtari i Real Sociedad është ai që i pëlqen më shumë Xavit dhe për të cilin do të bëhet përpjekja e parë për të përforcuar skuadrën.

Problemi që ai ka është se klubi nga San Sebastian nuk është i lehtë për t’u negociuar dhe pritet të kërkoj pagesën e klauzolës së lirimit prej 60 milionë euro.

Ka mundësi të tjera

Megjithatë, nuk do të jetë e lehtë. Së pari për shkak të kostos ekonomike të saj dhe, së dyti, sepse konkurrenca është e rëndësishme.

Ka më shumë lojtarë që i interesojnë Barcelonës dhe të tjerë që po ofrojnë veten.

Njëri prej tyre është Ruben Neves. Edhe pse ai nuk është vërtet një ‘pivot’, ai është një lojtar që mund t’i bashkohet Barcelonës .

Jorge Mendes, agjenti i tij që mban një marrëdhënie të shkëlqyer me Joan Laporta, i ofron vazhdimisht lojtar dhe përveç kësaj, kushtet ekonomike janë më të mira pasi ai mund të vijë në dimër si huazim me opsion blerjeje në verë.

Dhe kjo është më e supozueshme duke pasur parasysh situatën ekonomike që po kalon klubi për momentin.

Përmirësimi i De Jong

De Jong ka përmirësuar ndjeshëm performancën e tij dhe ky është një faktor i rëndësishëm.

Ai është një lojtar që mund të luajë shumë mirë në pozicionin e pivotit.

Në fakt, ky do të ishte pozicioni i tij i natyrshëm edhe pse te Barcelona ai tenton të luajë më shumë brenda.

Opsioni përfundimtar, të cilin Xavi e përdori kundër Viktoria Plzen, është Franck Kessie, por trajneri i Barcelonës nuk është i bindur. /Telegrafi/