LSDM: Qeveria ka miratuar ndryshimet në Ligjin për mbrojtjen e banorëve nga sëmundjet infektive

Nga LSDM përmes një kumtese theksojnë se situata me coronavirusin është serioze, numri i të sapo diagnostifikuarve në ditët e fundit është i madh dhe shtrëngimi i masave të mbrojtjes varet nga sjellja e qytetarëve dhe pajtueshmëria me të gjitha masat dhe protokollet.

“Sistemi shëndetësor është i gatshëm të luftojë dhe do të luftojë virusin edhe tani në valën e vjeshtës së coronavirusit dhe rritjen e numrit të njerëzve të infektuar. Por çdo qytetar është përgjegjës dhe i rëndësishëm për zvogëlimin e trendit në rritje dhe parandalimin e përhapjes së coronavirusit, duke mbajtur maskë mbrojtëse, duke mbajtur distancën fizike prej dy metrash dhe larje dhe dezinfektim të shpeshtë të duarve. Respektimi i masave dhe protokolleve është mënyra më e mirë për të mbrojtur kundër coronavirusit dhe ata që i shkelin ato do të përballen me sanksione”, thonë nga LSDM.

Nga atje thonë se Qeveria me kërkesë të këshillit të inspektimit, miratoi ndryshime në Ligjin për mbrojtjen e banorëve nga sëmundjet infektive.

“Me këto ndryshime, të gjitha shërbimet e inspektimit marrin kompetenca të reja, më të mëdha për t’u marrë me shkelësit e protokolleve. Nëse inspektorët konstatojnë shkelje të protokolleve shëndetësore, ata do të kenë autoritetin aty për të vendosur ndalimin e përkohshëm të kryerjes së veprimtarisë për 10 deri në 30 ditë për personat juridikë. Mbrojtja e shëndetit publik është një përparësi kryesore. Nevojitet mbështetje serioze nga të gjithë qytetarët. Respektimi i vazhdueshëm i masave të mbrojtjes së coronavirusit është thelbësor”, shtojnë nga atje./Telegrafi/