LSDM: Nuk do të lejojmë që i akuzuari Gruevski ta falimentojë FSPI-në

Politikat e dëmshme ekonomike të të akuzuarit Nikolla Gruevski dhe banda e tij kanë bërë një vrimë në Fondi për Sigurimin Pensional dhe Invalidor dhe kanë rrezikuar funksionimin e fondit. Shprehim shqetësim rreth situatës së Bankës Botërore, e cili konfirmoi se deficiti në FSPI vazhdimisht është në rritje, reagojnë Social Demokratët, përcjell Telegrafi Maqedoni.

“Vitin e ardhshëm, edhe 452 milionë euro, ose mbi 45% e pensioneve do të paguhen drejtpërdrejtë nga buxheti. OBRM-PDUKM nuk e ka idenë e sistemit të qëndrueshëm pensional dhe vetëm interesi është sesi momentalisht të sajoj vrima. Askush në OBRM-PDUKM, kurse aq më pak njerëzit rreth të pandehurit kriminel Nikolla Gruevski, nuk kujdesen për qëndrueshmërinë e FSPI-së në afat të mesëm dhe afat të gjatë.

Më 11 dhjetor vjen një qeveri e re e përgjegjshme që përmes politikave të shëndosha ekonomike do të inkurajojë hapjen e vendeve të punës së vërtetë që do të sigurojë stabilitet për FSPI-në, si dhe standarde më të mira jetese për të gjithë qytetarët e Maqedonisë, duke përfshirë pensionistët”, thuhet në reagimin e partisë. /Telegrafi/