LSDM: Lajmet e rreme dhe destruktiviteti janë mënyra e veprimit të Mickoskit

Nëpërmjet një njoftimi të LSDM-së thuhet se “OBRM-PDUKM dhe Hristijan Mickoski humbën mundësinë që të jenë mbi interesat personale dhe partiake dhe të tregojnë konstuktivitet në tejkalimin e krizës shëndetësore”.

“Në vend që të përfshihen në betejë dhe të jenë në anën e qytetarëve dhe shëndetit tv tyre, ata zgjodhën të përdorin lajme të rreme për coronavirus që të krijojnë panik dhe frikë”, thonë nga LSDM, njofton Telegrafi Maqedoni.

Nga LSDM thonë se Mickoski gënjeu kur tha se sistemi shëndetësor s’është i gatshëm për krizën dhe se ka vetëm 100 teste për virusin, edhe pse, siç thonë nga LSDM, më pas u bënë mijëra teste.

“OBRM-PDUKM gënjeu se mbi 100 mijë qytetarë kanë mbetur pa vendet e tyre të punës, edhe pse sipas të dhënave zyrtare vetëm 7.000 punëtorë kanë humbur vendin e punës si pasojë e coronavirusit”, thonë nga LSDM.

“Me sjelljen jo e pahije, johumane dhe josolidare të OBRM-PDUKM-së në krizë shëndetësore, por edhe me lajme të rreme, Mickoski vërtetoi disfatën në zgjedhjet e ardhshme”, thonë nga LSDM duke shtuar se qytetarët dinë të bëjnë dallimin se kush kujdeset për shëndetin e tyre dhe të ardhmen e shtetit./Telegrafi/