Liverpooli dhe Chelsea shkruajnë historinë në Ligën Premier, thyhet rekordi 110 vjeçar

Liverpooli dhe Chelsea vazhduan fillimin e tyre të përkryer në sezonin e Ligës Premier, pasi të shtunën së bashku kanë bërë diçka që Anglia nuk e ka parë në më shumë se një shekull.

Reds hapën ndeshjet e së shtunës në Ligën Premier me një fitore 2-1 ndaj Tottenhamit në stadiumin Wembley, duke i bërë pesë fitore në pesë ndeshje deri më tani këtë sezon.

Lexo po ashtu Liverpooli nuk di të ndalet, mposht Tottenhamin dhe vazhdon kryesimin në Ligën Premier

Chelsea jo vetëm që mbajti ritmin ndaj Cardiffit, por, përmes një fitoreje 4-1 kundër tyre, Blutë u zhvendos në krye të tabelës me anë të diferencës së golave.

Një fillim i përsosur me pesë ndeshje nuk është i panjohur në Ligën Premier, pasi Chelsea e ka bërë atë katër herë, ndërsa Liverpoolit e ka bërë atë në kohën kur quhej Divizioni i parë.

Lexo po ashtu Chelsea i pandalshëm, mposht Cardiffin për fitoren e pestë radhazi - Hazard shënon het-trik

Sidoqoftë, dy ekipe së bashku për të pasur nga pesë fitore është diçka e panjohur – ky është sezoni i parë në historinë e Ligës Premier, ku dy klube arrijnë të kenë start prej pesë fitoreve në pesë ndeshje.

Ndërsa Liga Premier daton që nga viti 1992-93, ajo kërkon një udhëtim të gjatë në histori për të gjetur herën e fundit që një dyshe ekipesh e arriti këtë rekord.

Hera e fundit që ndodhi ishte 110 vjet më parë, në sezonin 1908-09. Para kësaj ndodhi edhe në vitin 1905-06.

3 – This is the third time in English top-flight history, and first time in 110 years, that two clubs have won their opening five games of the season (1905-06 and 1908-09). Antique.

— OptaJoe (@OptaJoe) September 15, 2018

Më shumë histori mund të bëhej në rast se Watfordi do të fitonte ndaj Manchester Unitedit, duke arritur rekord me tri skuadra me maksimum pikësh, por londinezët u mposhtën me rezultat 2-1.

Të dy ekipet, Liverpooli dhe Chelsea do të përballen me ndeshjet e tyre evropiane në mesjavë, përpara se Reds të përpiqen të bëjnë gjashtë fitore radhazi në ndeshjen ndaj Southamptonit në Anfield javën e ardhshme, ndërsa Blutë në vizitën e tyre te rivalët e West Hamit.

Nëse të dyja klubet do të marrin nga tri pikë, atëherë do të duhet të presim fundjavën e ardhshme për të parë përballjen e dy skuadrave mes vete në Stamford Bridge më 29 shtator dhe aty njëra ose dyja do të lëshojnë pikë.  /Telegrafi/