Liverpooli me 700 punëtorë dhe 208 milionë funte shpenzime në paga

Liverpooli ishte skuadra që kishte një rritje të ndjeshme pagash për futbollistët dhe stafit teknik të saj.

Sipas asaj që publikohet në median britanike, shifra e shpenzuar në sezonin e kaluar nga drejtuesit e “The Reds” për periudhën qershor 2015-maj 2016 ishte 208 milionë e 258 mijë funte duke kaluar klube si Manchester City dhe Arsenali që  gjatë kësaj periudhe shpenzuan respektivisht 198 dhe 195 milionë funt për pagat.

Kjo shifër e regjistruar nga Liverpooli është 25% më e lartë se ajo prej 166 milionë funte për periudhën financiare 2014/2015.

Gjatë kësaj periudhe, Liverpool solli në “Anfield” nëntë lojtarë të rinj mes të cilëve, Firmino, Benteke, Clyne si dhe trajnerin Jurgen Klopp.

Ishte sezoni kur Liverpooli arriti në finalen e Kupës së Ligës dhe atë të Ligës së Evropës, ndërkohë që kampionatin e mbylli në vendin e tetë.

Numri total i personave që janë punësuar nga Liverpooli në periudhën qershor 2015-maj 2016 është rritur nga 636 në 700, nga këta 500 janë pjesë e administratës, 139 janë futbollistë e trajnerë, ndërsa 61 janë pjesë e stafit të mirëmbajtjes së ambienteve të klubit.