Kupola e një xhamie u shemb në Xhakartë – pamjet duken sikur në skenat e filmit

Xhamia e Qendrës Islamike në Xhakarta të Indonezisë ka marrë flakë sot gjatë rinovimit dhe më pas është shembur kupola e xhamisë.

Skena e tmerrshme e shembjes së kupolës së madhe është kapur, duke treguar flakët dhe tymin që burojnë nga struktura pak para se të shembet.

Jakarta Globe raportoi se nuk kishte të lënduar nga zjarri dhe shembja e mëvonshme. Megjithatë, videot tregojnë qartë se dëmet në xhami janë të mëdha.

https://twitter.com/OsintTv/status/1582740492261163008

Zjarrfikësit u lajmëruan për zjarrin pak pas orës 15:00 sipas kohës së tyre, dhe të paktën dhjetë zjarrfikëse ndodhen në vendngjarje, megjithatë, ende nuk dihet shkaku i zjarrit që shembi xhaminë.

Mediat lokale raportojnë se policia ka marrë në pyetje katër persona që po punonin për rinovimin e ndërtesës.

Kjo xhami është vetëm një nga ndërtesat në kompleksin e Qendrës Islame në Xhakartë, ku ka edhe objekte arsimore, tregtare dhe kërkimore.

Nga rruga, kjo kube tashmë ka marrë flakë një herë gjatë rinovimit saktësisht 20 vjet më parë. /Telegrafi/

Footage of a fire from inside a mosque building in #Jakarta, #Indonesia. pic.twitter.com/E4C8Kv2s7H

— NEXTA (@nexta_tv) October 19, 2022