KSHZ: Kontrollet në terren po ecin mirë dhe deri më 3 prill duhet të mbaroj inspektimi

Dita e parë për inspektimin e votuesve të dyshimtë shkoi mirë dhe pritet që Komisionin Shtetëror i Zgjedhjeve të përfundoj me inspektimin me 3 prill, transmeton Telegrafi Maqedoni.

Dje KSHZ njoftoi se ka angazhuar edhe 114 intervistues, tani gjithsej 488 intervistues do të përfundojnë procesin në terren.

‘Nuk ka probleme, qytetarët bashkëpunojnë, krahas problemeve të vogla teknike, nga ato se vetura nuk ka benzin për të dalë në terren, apo diçka e këtillë, por situata të mëdha nuk janë të regjistruar. Ne jemi vazhdimisht në komunikim me ekipin dhe tani këtë informacion e kemi,’ thonë nga KSHZ.

Shtëpitë e votuesve të dyshimtë do të vizitohen çdo ditë prej ora 8.30 deri 19.30. Intervistuesit duhet të flasin personalisht me votuesit, të dhënat e të cilëve duhet të kontrollohen, dhe në qoftë se ai person nuk është i pranishëm, atëherë duhet të zhvillohet një bisedë me një të pranishëm apo anëtar të familjes. Nëse në ndonjë apartament apo shtëpi nuk ka asnjë person apo nuk është në gjendje për të dhënë informacion, intervistuesi duhet të kthehet një ditë tjetër te i njëjti votues. Në qoftë se nuk ka asnjë, atëherë duhet t’i lihet një njoftim dhe ai person brenda 3 ditëve do të paraqitet në zyrat lokale të KSHZ-së. /Telegrafi/