Kovaçevski: S’ka dokument për marrëveshje me Bullgarinë

Kryeministri Dimitar Kovaçevski sot tha se gjatë vizitës në Bruksel përfaqësuesit e vendeve të Ballkanit Perëndimorë kanë pasur mundësinë të diskutojnë për statusin e secilit shtet veçmas.

“Është biseduar edhe për statusin e secilit shtet veçmas, ku përfaqësuesit e lartë të shteteve kanë pasur mundësinë që të shprehin qëndrimet e tyre”, tha Kovaçevski.

Kovaçevski thotë se ende nuk ka dokument i cili do të paraqiste formalizim të zgjidhjes së kontestit me Bullgarinë.

“Në këtë moment Ministria e Punëve të Jashtme si deri më tani, komunikojnë mes vete. Nuk ka dokument për të cilin janë dakorduar, që mund të jetë bazë për të marrë vendime në të dy shtete”, deklaroi Kovaçevski.

I pyetur nëse vendi do të ketë mundësi që të hap negociatat me BE-në në qershor, kreu i ekzekutivit tha se nuk janë të lidhur për data konkrete.

“Kur flitet për qershorin si ndonjë datë, është e vërtet se atëherë do të ketë Samit të Bashkimit Evropian , por unë këtë datë…ne nuk i jemi përmbajtur datave duke marrë parasysh se na duhet zgjidhje e cila do të jetë e pranueshme për dy shtete, për të cilin do të duhet konsensus”, tha Kovaçevski.