Kovaçevski: Gjuha maqedonase, identiteti dhe çështja historike nuk mund të jenë kritere negociuse me Bullgarinë

Kryeministri i Maqedonisë Dimitar Kovaçevski në faqen e tij në Facebook edhe një herë konfirmoi se Qeveria e Republikës së Maqedonisë së Veriut nuk ka pranuar zyrtarisht propozim të harmonizuar në nivel të 27 shteteve anëtare dhe se çdo zgjidhje duhet të konsultohet me institucionet e Republika e Maqedonisë për propozimin francez.

“Sido që të jetë teksti përfundimtar i harmonizuar i propozimit francez, theksoj se për të qenë i pranueshëm për ne, elementët e mëposhtëm janë thelbësorë, një formulim i qartë i gjuhës maqedonase në kornizën negociuese dhe mbrojtje e qartë e identitetit maqedonas dhe çështjeve historike, nuk mund të jenë kriter në kornizën negociuese”, thekson Kovaçevski në Facebook.

Kryeministri thekson se negociatat mes Maqedonisë së Veriut dhe BE-së duhet të fillojnë para fillimit të procedurës për ndryshime kushtetuese për përfshirjen e bullgarëve, kroatëve dhe malazezëve në preambulën e Kushtetutës.

“Duhen garanci të forta si nga Bullgaria ashtu edhe nga Bashkimi Evropian se Bullgaria nuk do ta kushtëzojë Maqedoninë me kërkesa të reja, përtej asaj që do të bihet dakord në kuadrin e negociatave dhe protokollit dypalësh që ende nuk është harmonizuar me Bullgarinë”, tha ai, duke shtuar se çdo zgjidhje do të duhej të konsultohej me institucionet e Republikës së Maqedonisë së Veriut.