Koleksionisti nga Iowa ka arritur të grumbullojë 69,255 lapsa unikë

Një burrë nga Iowa i cili synon thyerjen e rekordit botëror Guinness për koleksionin më të madh të lapsave, pas një numërimi në një muze të Iowa-s arriti të zbuloi se shifra e saktë është 69,255.

Aaron Bartholmey, 36 vjeç nga Colfaw, e çoi koleksionin e lapsave të tij në muzeun Colfax Historical Society, ku lapsat u numëruan një nga një publikisht, një mënyrë kjo e cila kërkohet nga rregullat e organizatës të Rekordeve Botërore Guinness.

Bartholmey tenton që me 69,255 lapsat e tij të thyej rekordin botëror të mbajtur nga Emilio Arenas, koleksioni i të cilit prej 24,026 lapsave ia kishte dhënë këtë titull në majin e 2021-shit, shkruan UPI, përcjell Telegrafi.

Tutje Bartholmey tha se ai nisi të koleksionoi lapsa në momentin kur mësuesja e tij në klasën e parë u kishte dhënë të gjithë nxënësve nga një laps si dhuratë për Krishtlindje, dhe se pas kësaj ai kishte filluar të shtoi numrin e tyre nga dyqane antike dhe nga tregjet e gjësendeve me kosto të ulët.

Koleksioni i tij tani përfshinë lapsa që datojnë që nga 100 vjet më shumë, lapsa reklamues, lapsa të projektuar për të bërë thirrje nga telefonat e vjetër e gjithashtu edhe lapsa të ekipeve sportive.

Lexo po ashtu Burri nga Iowa dëshiron që ta thyejë rekordin botëror për koleksionin më të madh të lapsave

Aaron bëri të ditur se zyrtarët nga Rekordet Botërore Guinness i kishin thënë atij se do t’ia bëjnë me dije nëse e ka thyer rekordin apo jo brenda një afati kohor prej 3 muajsh. /Telegrafi/