Kolegji ‘RIINVEST’: Te ne studiohet ndryshe

Të gjithë studentët e diplomuar të punësuar

•  Studime shqip dhe anglisht me diplomë britanike

•  Qendër e fuqishme kërkimore e fuqizuar me Institutin RIINVEST

•  Certifikim automatik nga SCAAK si teknik i certifikuar i kontabilitetit

•  Microsoft IT Academy brenda Kolegjit me mundësi për certifikime shtesë për studentë e të tjerë

•  Një modul praktikë përgjatë semestrit në Institutin Riinvest, në banka dhe biznese

• 80% e stafit të diplomuar dhe specializuar në Bashkimin Evropian dhe në ShBA   Prapa Kolegjit “Riinvest” qëndron përvoja e gjatë e punës hulumtuese shkencore e Institutit “Riinvest” prej gati dy dekadash, në të cilin janë gërshetuar të arriturat shkencore të shumë mësimdhënësve vendorë e ndërkombëtarë, me metodat dhe qasjet unike në projekte dhe praktika akademike, të gjitha bashkë të nevojshme dhe aplikative për zhvillimet e sferave të ndryshme të Kosovës, posaçërisht të ekonomisë.

Pas krijimit të bazës së fuqishme të stafit akademik, duke mbështetur dhe  investuar në shkollimin dhe profesionalizimin e qindra ekspertëve kosovarë, lansoi programet e arsimit të lartë universitar në programe unike për Kosovën që nga viti 2007.

(1) Si lider i pakontestueshëm i studimeve ekonomike, Kolegji “Riinvest” ofron studime bachelor në Menaxhim Biznesi në drejtimet: Ekonomi (ekonomi e përgjithshme e fokusuar në biznes) Menaxhment, Financa dhe Banka sikurse edhe Master në Menaxhment, tregje financiare dhe banka. Synim i kolegjit tonë  është që të aftësojë ekspertë për qeverisjen efektive të sistemeve ekonomike dhe liderë të bizneseve.

(2)  Gjithashtu Kolegji “Riinvest” në shkencat kompjuterike (inxhinieri softuerike) përveç studimeve bachelor, sivjet në këtë fushë bën hap tutje, duke startuar edhe me programin Master në Shkenca Kompjuterike. Të gjithë studentët e diplomuar në këto programe janë punësuar, disa edhe para diplomimit. Ata mësojnë shkathtësitë programuese dhe paketat softuerike që përdoren nga kompanitë udhëheqëse të softuerit si: Microsoft, Apple, Cisco dhe të tjera.

(3) Të gjitha këto nuk janë e tëra. “Riinvest” ofron programe studimi edhe në gjuhën angleze përmes Stafftordshire University nga Britania e Madhe dhe atë në dy drejtime bachelor: Business Managament dhe Entrepreneurship, si dhe dy të tjera në Master of Business Adminstration (MBA), sikurse janë: MBA General dhe MBA Finance. Krahas studentëve nga Kosova në këto drejtime kemi të regjistruar edhe studentë nga Spanja, Holanda, Suedia, Maldivet, Nigeria, etj.

Këto programe janë të akredituara dhe validuara në Britani të Madhe dhe të validuara edhe në Agjencinë Kosovare të Akreditimit. Formati i tyre është plotësisht i njëjtë me ato në Staffordshire University, i cili edhe lëshon diplomat. Studentët kanë qasje për punësim jo vetëm në Kosovë në kompani vendore, të jashtme, në organizata ndërkombëtare, ne tregun evropian të punës dhe në gjithë botën. Kësaj i thonë:  Studio në Prishtinë – merr diplomë angleze. Studentët që duan mund të kryejnë semestra në Staffordshire University. Studentët  në programet që ndjekin studimet në gjuhën shqipe e që kanë shumë pika të përbashkëta me këto në gjuhën angleze, mund të kalojnë në vitin II të studimeve në programet anglisht, nëse kanë përvetësuar gjuhën angleze në nivelin e kërkuar.

(4) Fondacioni Riinvest i krijuar me fondet e kolegjit dhe partnerët tanë nga rradhët e bizneseve, institucioneve financiare dhe donatorë të tjerë, mbështet skemën tonë të bursave për studentët që arrijnë sukses të  mirë dhe aktivitete të institucionit tonë në fushën e kërkimeve, në dobi të partnerëve tanë e shoqërisë sonë dhe  botimin e teksteve të përkthyera ndërkombëtare.

(5) Krahas studimeve – studentët ndërtojnë shkathtësi profesionale që u mundëson të punësohen më shpejtë. Në sajë të bashkëpunimit me Shoqatën e Kontabilistëve të Kosovës (SKAK) dhe harmonizimit të programeve, studentët e diplomuar marrin edhe certifikatën për kontabilistë. Studentët në profilin për Ekonomiks kryejnë modul praktikë pune në Institutin Riinvest, duke fituar shkathtësi kërkimore. Ata edhe gjatë studimeve marrin pjesë në forma  të ndryshme në aktivitet kërkimore dhe realizojnë edhe të ardhura plotësuese.

Studentët në Banka e Financa kryejnë modulin Teknika dhe afarizmi bankar, duke punuar në banka gjatë një semestri. Studentët e profilit Menaxhment në mënyrë të ngjashme kryejnë praktikë në biznese. Si pjesë e programit mësimor studentët marrin edhe certifikatën EiPass, që është një licencë e pranuar e teknologjisë informatike në BE. Që nga maji i këtij viti Kolegji ynë është certifikuar nga Microsoft që të udhëheqë Akademinë e Microsoft për Teknologji informatike, e cila hap mundësi të shkëlqyera edhe për studentët tanë që të ndërtojnë shkathtësi që u japin përparësi për studime e punësime.

Kolegji Riinvest është duke realizuar dy projekte me rrjete të fuqishme partneriteti në kuadër të Programeve TEMPUS dhe ERAZMUS dhe dhjetëra universitet evropiane që krijojnë mundësi të shkëlqyera për studime dhe përvojë ndërkombëtare.   Ne jemi  mjedis atraktivë për studime, diversitet të stafit e kulturave, gjuhëve, jetë kulturore e sportive. Te ne studiohet ndryshe!  /Telegrafi/