Ju jeni të pavdekshëm!

Kryeqyteti i çetnikëve ishte në luftë qe dy ditë. Mbrëmë shqiptarët largpamës lëshuan "bombën atomike" para turinjve të nacionalistit Nikolic, e para tetë milion serbëve. Sa pash, sa dëgjova e sa lexova këto dy ditë, mediat naziste serbe po luftojnë dhe po "baglojnë" shqiptarët, mu sikurse mediat naziste të Rajhut të tretë – Adolf Hitlerit!

Mediat serbe po etiketojnë, kriminalizojnë e po i paraqesin shqiptarët “të zinjë e mafioz”. Kështu veproi edhe gazeta naziste "BEOBACHTER" që luftoi e i paraqiste hebrenjtë si fajtorë për të gjitha të këqijat që ndodhnin në Gjermaninë e Hitlerit. E, kjo nuk është çudi! Sepse çetnikët e Serbisë janë po ata të 1878-tës. Dacici “demokrat” e partner i Qeverisë së Kosovës, është kryeçetniku dhe është Hitleri, pa mustaqe, i Ballkanit.

Por, mua po më habitë fakti se si mediat ndërkombëtare po "fajësojnë" shqiptarët për ndërprerje të lojës, Mbi 90 për qind të mediave perëndimore po raportojnë se sherri plasi për fajin e "Flamurit". Me këtë po shpreh frikën dhe brengen time se Shqipëria jonë do të ndëshkohet mu si edhe Serbia çetnike nga FIFA.

Serbët dinë të manipulojnë me fakte dhe me retorikën e tyre bëjnë edhe "çudira". “Piramida” mund të kthehet mbrapsht (kokëposhtë) përmes fjalës dhe “Public Relation”.

Por, një mësim rimorën mbrëmë çetnikët e Daciqit: Shqiptarët dhe flamuri kuqezi janë të paprekshëm dhe të pavdekshëm!

Tani çetnikët serbë, përpos se do të ballafaqohen me penën, mendjen dhe pushkën shqiptare, tani këta çetnikë do të ballafaqohen edhe me gjeneratën e re shqiptare të multimedias dhe elektroteknikës: Këta, gjithë së bashku, do të jene pararojë e Flamurit dhe identitetit të pamposhtur shqiptar!

Respekt ideatorëve të projektit që kryen ngritjen e Flamurit në Beograd!

Nderim dhe qofshi të bekuar, JU Kombëtarja jonë, shqiponja jonë, stërnipër të Kastriotit, Ismail Qemailit, Isa Boletinit e Mihail Gramenos!