Jeta Xharra krahason Thaçin me presidentin Roosevelt

Gazetarja Jeta Xharra është treguar mjaft e rreptë dhe kritike ndaj partisë në pushtet në mediumet në gjuhën shqipe, sidomos në debat e zhurmshme ku jo rrallë PDK është në qendër të vëmendje të programit Jeta në Kosovë.

Por, me sa duket Xharra nuk ka problem ta lavdëroj dhe ta krahasoj Hashim Thaçin edhe me presidentët amerikanë Clinton dhe Roosevelt, në qarqet diplomatike.

Në numrin e fundit të revistës Prishtina Insight, që botohet nga shtëpia botuese e menaxhuar nga Xharra, revistë kjo që shpërndahet në korin diplomatik dhe të gjithë të huajt në Kosovë, editoriali i kësaj reviste thur lavde për fushatën e Thaçit.

Sipas botimit të Xharrës, "Misioni i Ri është një fushatë impresive që krahasohet me Marrëveshjen e Re të president Franklin Delano Roosevelt, me një dozë të Clintonit nga vitet e 1990-ta. Është një premtim i madh për ekonominë kosovare, përfshirë punësimin e njerëzve. Fushata ka një pozitivitet të mbushur, video të bukura dhe një rrjet social të vetin. Muzika inspiruese e ngjashme me Coldplay, po ashtu është ndihmuese", ka shkruar Xharra.

Sipas Prishtina Insight, "në minimum, kjo fushatë ka krijuar standarde të reja në fushata politike në Kosovë". /OraInfo/