Izmir, zbulohet një statujëz e vjetër tetë mijë vite

Një statujëz e vogël e një perëndeshe të rreth 8.000 viteve më parë, është gjetur gjatë gërmimeve në tumulusin Jesilova në Izmir, përgjatë brigjeve turke të Egjeut.

Profesori Zafer Derin deklaroi se ishin zbuluar vepra shumë të rëndësishme gjatë gërmimeve të këtij viti, ku shtoi se statujëza e vogël kishte një kuptim tepër të veçantë duke qenë se ishte e para e këtij lloji e gjetur në Turqi.

”Femrat dhe fertiliteti ishin të shenjta në kulturën e rajonit të Anadollit Perëndimor”, citon Anadolu Ajansı fjalët e Derin, i cili shtoi se rajoni ishte qendër e kulturës së nënës perëndeshë, transmeton.

”Kemi tashmë një kokë që përfaqëson figurën e nënës perëndeshë. Kemi të qartë se adhurimi i nënës perëndeshë ishte i tepër i përhapur në këtë rajon në të kaluarën, por kemi gjetur për herë të parë një statujë të saj në Turqi. Njerëzit e vendosnin këtë statujë në banesat e tyre për t’u lutur për shëndetin e pasardhësve të tyre. Kjo vepër është një pjesë shumë e bukur e epokës së 6 000 vjetëve para Krishtit”, ka përfunduar Derin, ndërsa transmeton BalkanWeb. /Telegrafi/