Italia fillon lehtësimin e masave të lëvizjes – në kafene mund të blini vetëm nga jashtë

Frika që ekzistonte për turmat e mundshme në rrugët e qyteteve italiane pas gati dy muaj karantinë nuk është është parë të jetë e vërtetë.

Në Romë ka pasur pak trafik dhe stacioni më i madh i trenit i qytetit, Termini, ishte gati i zbrazët në kohën e turmave përndryshe më të mëdha në mëngjes.

“Duke pasur parasysh që shkollat janë ende të mbyllura, kjo do të thotë se mungojnë automatikisht gjysma e njerëzve”, tha një shofer i autobusëve të kompanisë Atc Andra në lagjen Trastevere.

“Ishte sikur të ishte e diel, madje as 10 për qind e trafikut si një ditë jave”, tha ai. U deshën vetëm 40 minuta për të arritur në punë, madje edhe një orë më të shkurtër se zakonisht.

Kafenetë janë hapur gjithashtu, megjithëse porositë mund të bëhet vetëm jashtë lokaleve.

“Situata është saktësisht e njëjtë si dje, vetëm tani ne mund të blejmë kafe. Asgjë nuk ka ndryshuar”, thotë një qytetare Chiara në lagjen Monti.

Linari Café, e njohur për picat e saj në lagjen Testaccio, gjithashtu është rihapur.

Ajo tashmë ishte vizituar nga një oficer policie lokal dhe kishte kontrolluar se masat në distancë sociale po ndiqeshin.

Italia, një nga vendet më të prekura në pandemi me gati 29,000 të vdekur dhe më shumë se 210,000 të infektuar, ka qenë në karantinë që nga 10 marsi.

Të hënën, 4.5 milionë njerëz u kthyen në punë pasi sektorët e ndërtimit dhe prodhimit rifilluan punën.

Qytetarët mund të lënë shtëpitë e tyre, të ushtrojnë jashtë dhe të vizitojnë të dashurit e tyre.

Por ministri italian i Shëndetësisë rekomandoi që qytetarët të shohin prindërit dhe të afërmit e tyre, por jo miqtë e ngushtë.

Po ashtu janë hapur parqet dhe është lejuar vizita te varret, përfshirë edhe funeralet. Mbledhjet masive publike janë ende të ndaluara. Maska kërkohet në ambiente të mbyllura, autobusë dhe trena.

Qeveria ka premtuar zbutje të reja të masave në mesin e majit, përfshirë hapjen e dyqaneve, restoranteve dhe salloneve të flokëve nëse kurba ngjitëse vazhdon të jetë e ulët. /kp/Telegrafi/