Ishte zhdukur tri javë më parë, gruaja në Florida gjendet në kanalizim – rrëfen se si përfundoi atje

Një grua, e identifikuar si 43-vjeçarja Lyndsey Kennedy, u shtrua në spital pasi u shpëtua nga një sistem kanalesh Delray Beach, Florida.

Sipas mediave të huaja, përcjell Telegrafi, të martën, pak para orës 9 të mëngjesit, një grua dëgjoi britma që vinin nga poshtë një kanali pranë Atlantic Avenue dhe SW 11th Avenue.

“Njerëzit po nguteshin dhe ajo ishte në telefonin e saj kur dëgjoi dikë që ulërinte. Kur ajo shikoi poshtë në kullimin kanalit, kishte një grua atje poshtë”, ka thënë zëdhënësi i zjarrfikësve, Dani Moschella.

Ekipet e shpëtimit nga zjarri Delray Beach larguan hekurat e pusetës për të shkuar te Kennedy, që ishte lakuriq.

Ata thanë se ajo nuk mund të qëndronte as në këmbë.

“Ekipi ynë i Operacioneve Speciale u përgjigj dhe përdori një shkallë dhe një parzmore për të nxjerrë gruan jashtë”, tha Moschella. “Ajo nuk kishte të veshur ndonjë rrobë dhe ishte e lodhur”.

Ajo u dërgua në një spital aty pranë.

Kennedy ka thënë se ajo shkoi të notonte afër shtëpisë së të dashurit të saj dhe gjeti një derë që të çonte në një tunel. Ajo hyri brenda, u largua dhe përfundoi në kanale. /Telegrafi/