Investim prej 850 milionë eurosh, për tërheqjen e 30 milionë vizitorëve – kështu pritet të duket super-atraksioni më i ri në Spanjë

Një atraksion i ri në Costa del Sol pritet të hapet në vitin 2023 e cila përmban një “Rrotë gjigante”, cirk dhe një klub plazhi.

Sipas mediave të huaja, përcjell Telegrafi, atraksioni prej 850 milionë euro ndodhet vetëm në veri të Palacio de Congresos në Spanjë dhe do të fillojë ndërtimin vitin e ardhshëm.

I quajtur Intu Costa del Sol, planet e zhvillimit përfshijnë tetë lagje së bashku me 250,000 metra katrorë parqe dhe kopshte.

Dy hotele dhe 70 restorante janë përfshirë gjithashtu në plane, si dhe 20 atraksione të kohës së lirë, të tilla si një pishinë, akuarium dhe zona ngjitjeje.

E gjithë hapësira, e vendosur tre kilometra larg nga aeroporti i Malaga, do të përfshijë gjithashtu një vend koncerti prej 5000 personash dhe madje edhe “fermën më të madhe urbane të Spanjës”.

Në një përpjekje për të tërhequr 30 milionë vizitorë në vit në zonën e nxehtë spanjolle, një rrotë Ferris dhe klub plazhi do të jenë gjithashtu pjesë e atraksionit.

Vendndodhja tërheq aktualisht 12.4 milionë turistë në vit me një nga destinacionet më të njohura të turistëve.

Të paktën 20% e materialeve të përdorura për ndërtimin e vendpushimit thuhet se do të riciklohen gjatë përdorimit të energjisë së rinovueshme. /Telegrafi/