Horoskopi
Virgjëresha
Virgjëresha 19 April - 2018
Horoskopi Ditor 16 April - 2018
  • Puna

    Kryeni obligimet tuaja  

  • Shendeti

    Ecni më shumë  

  • Dashuria

    Ju pret një dëshpërim

Horoskopi Javor 16 April - 22 April
  • Puna

    Nëse diçka duhet të ndryshoni, ndryshojeni. Bëjeni atë në mënyrën e cila është e qetë dhe graduale. Nëse do t’ju kritikojnë, mos reagoni ndaj kritikave, por vetëm vazhdoni të punoni. Është me rëndësi të keni planin të qartë dhe që ta zbatoni me vendosmëri. Suksesi ju është shumë afër.

  • Shendeti

    Bëhuni pak më shumë bashkëpunues.

  • Dashuria

    Me siguri nuk do të ndiheni të interesuar për disa veprime dashurore. Kjo është pasojë e preokupimit tuaj me gjëra krejtësisht të tjera, pos me jetën private. Kujdes që personi i dashur të mos ndihet i lënë pas dore. Lulet gjithmonë ndihmojnë.

Horoskopi Mujor April
  • Puna

    Përfundimisht jeni të kënaqur në punë. Janë të mundshme shpenzime të shtuara madje edhe Venera po ju nevrikos. Duhet patjetër të kurseni më shumë. Këtë muaj, posaçërisht në pjesën e parë, nuk është mirë të filloni asgjë, por të perfeksionoheni. Mos u ngarkoni tepër me të gjitha detajet, por përpiquni të përqendroheni në punë.

  • Shendeti

    Nga java e dytë e prillit do të jeni më pak të tensionuar.

  • Dashuria

    Çdo gjë po ju ecën siç duhet dhe jeni të kënaqur me partnerin. Përfundimisht çdo gjë është e qëndrueshme dhe mund të jeni të qetë. Më së miri do të ishte sikur të kujdeseni për veten, të përmirësoni gjendjen tuaj shpirtërore, pastaj situata do të ndryshojë. Beqarë, mund të takoheni me një person me të cilin njiheni kaherë. Është e mundshme edhe aventura. Zgjojani afshin vetes.

Horoskopi Vjetor 2018
  • Puna

    Fillimi i vitit 2018 ju është i përshtatshëm për planifikim, marrëveshje dhe organizim të projekteve afariste dhe detyrave punuese të cilat ia keni caktuar vetes. Jupiteri do të jetë në harmoni me Plutonin, gjë që do të forcojë kreativitetin tuaj dhe do t’ju sjellë sukses dhe fitime të mira nëpërmjet sferës së argëtimit komunikimit dhe tregtisë. Në mars do të arrini sukses në sferën publike dhe do të lidhni kontrata afariste dhe partneritete. Nga mesi i vitit do të keni mundësi të volitshme për bashkëpunim me botën e jashtme apo për rikualifikim, gjë që do t’ju sjellin pozitë më të mirë. Gjatë korrikut dhe gushtit shmangni punët të cilat ju duken të dyshimta si dhe bashkëpunimin me personat të cilët nuk shfaqin besim sepse ndokush do të mund të provojë që t’ju shfrytëzojë dhe t’ju dëmtojë. Deri në fund të gushtit Marsi do të jetë retrograd dhe do t’ju sjellë vështirësi në marrëdhëniet me kolegët dhe me personat vartës. Shtatori do t’ju sjellë sukses në negociata rreth projekteve të reja afariste, sepse do të dini të luftoni për qëndrimet dhe idetë tuaja. Deri në fund të vitit do t’ju hapen mundësitë që të realizoni përparim në sferën e shërbimeve afariste. Koha e volitshme për investime dhe rritje të investimeve paraprake do të jetë e volitshme që nga janari i vitit 2018, kur Venera, e cila sundon sferën tuaj të parave, do të jetë në harmoni me Jupiterin dhe Plutonin. Fitime do të keni nëpërmjet sferës së tregtisë dhe komunikimeve në pjesën e dytë të marsit. Gjatë prillit deri në fund të majit shmangni rrezikun në investime. Tremujori i dytë i vitit nuk do t’ju jetë stabil në fushën e parave. Shmangni shpenzimet e panevojshme. Në gusht Venera do të kalojë nëpër shenjën e Peshores ku do të jetë në qendër dhe nëpërmjet sferës suaj të parave, gjë që do t’ju ofrojë mundësi që të stabilizoni të ardhurat dhe të shtoni fitimet. Në shtator Venera hyn në shenjën e Akrepit ku do të jetë retrograde deri në mesin e nëntorit. Do të zgjidhni obligimet e mbetura financiare. Virgjëreshat e papunësuara do të gjenden mirë në punët ku kërkohet shkathtësia intelektuale, komunikimi dhe lëvizshmëria. Në ato sfera kanë mundësi që të gjejnë punë të re.

  • Shendeti

    Sa i përket shëndetit, nuk keni arsye të brengoseni. Do të keni shëndet të mirë. Qëndroni në formë, hani ushqim të shëndetshëm dhe punoni edhe pak në arritjen e shprehive të shëndetshme. Nëse ju bëhet monoton stili i tillë i jetës, merruni me ndonjë sport të ri dhe do të ndieni shumë përparësi të ushtrimeve të rregullta.

  • Dashuria

    Nëse jeni në lidhje: Shfrytëzoni shkurtin për më shumë kohë që do t’ju japë mundësi që të jeni bashkë me personin e dashur dhe t’i përkushtoheni njëri-tjetrit. Ju presin shumë argëtime. Do të jeni të plotësuar dhe të lumtur me marrëdhënien tuaj me partnerin. Nga mesi i prillit do të keni mospajtime për shkak të opozitës së Venerës me Jupiterin. Shmangni gënjeshtrat. Jini të gatshëm për kompromise. Përmirësimet në lidhjen emocionale ju presin nga korriku kur do të arrini që të përmirësoni komunikimin me partnerin dhe t’i kapërceni problemet. Gjatë tetorit do të jeni të lidhur me partnerin dhe do të realizoni së paku një qëllim të përbashkët të rëndësishëm. Deri në fund të vitit do të përpiqeni të përmirësoni jetën tuaj familjare, posaçërisht nëse me partnerin keni fëmijë. Jupiteri do të hyjë në sferën tuaj të familjes.   Nëse jeni të lirë: Do të ndieni nevojë të shtuar që të filloni lidhje emocionale e cila mund të jetë serioze dhe në shtigje të gjata dhe do të hulumtoni për personin i cili me ju do të ndante qëllime të ngjashme jetësore. Në tremujorin e parë të vitit atë person do ta njihni, mirëpo do t’ju duhet një kohë e gjatë që të njiheni me njëri-tjetrin si shpirtra binjakë. Në fillim do të takoheni në shoqëri të njëjtë. Do të filloni të takoheni edhe bashkë, mirëpo të dy do të jeni  të pavendosur. Vetëm në shtator do të filloni lidhjen serioze, ndërkaq deri në fund të vitit është e mundshme që të filloni jetën e përbashkët. Virgjëreshat pak më të vjetra do të përpiqen që të qetësohen, mirëpo do të hyjnë në lidhje të cilat do të jenë të shkurtra dhe jostabile. Do t’u duhet shumë durim dhe zgjedhje e kujdesshme. Është me rëndësi që të mos keni kritere tepër të larta. Nga fundi i verës do të keni gjasa të filloni lidhje të re.