LAJMI I FUNDIT:

Heronj si Alistafaj e bënë Shqipërinë një vend tjetër

Heronj si Alistafaj e bënë Shqipërinë një vend tjetër

Në ambientet e Shtëpisë Qendrore të Ushtrisë, të enjten u bënë homazhe në nderim të punonjësit të policisë të rënë në krye të detyrës, nënkomisar Pajtim Alistafaj.

Përfaqësues të lartë të Qeverisë shqiptare, punonjës dhe drejtues të Policisë së Shtetit, kolegë dhe miq të të ndjerit, të afërm dhe bashkëqytetarë të tij, i kanë bërë nderimet e fundit efektivit i cili dha jetën në shërbim të komunitetit.

Të pranishëm në ceremoninë e zhvilluar me këtë rast kanë qenë edhe ministri i Brendshëm, Lulzim Basha, zëvendësministri i Brendshëm, Avenir Peka, drejtori i Përgjithshëm i Policisë së Shtetit, Hysni Burgaj, si dhe autoritete të larta vendore.

Ministri i Brendshëm Basha tha se “janë këta heronj të cilët me sakrificën e tyre sublime që përfshin dhe jetën e tyre kur është nevoja kanë bërë të mundur që Shqipëria sot të jetë një vend tjetër”. /Telegrafi/