Haradinaj: Isa Mustafa qesharak, Erdoganin mund ta kem mik

Lideri i Aleancës për Ardhmërinë e Kosovës, Ramush Haradinaj duke folur për Demarakcionin me Malin e Zi, tha se Demarkacioni nuk është kusht për liberalizimin e vizave ngase pa liberalizim qytetarët e Kosovës i la Qeveria e korruptua.

‘’Isa Mustafa ka kohë për me i ndryshu deklaratat. Kosovaret pa liberalizim i la Qeveria e korruptuar që është e zhytyr në krim, dhe pastaj sjellin kushte shtesë si rasti i Demarkacionit. Për me dashtë më i sigurua vizat, këta munden menjëherë me marr vendim. Nuk e kuptoj çfarë po bëjnë. Janë disa veprime për me gjet një version tri, duhet me krijuar komision tri qeveritar me i largu këta’’, ka thënë Haradinaj në Info Magazinë në Klan Kosova.

Haradinaj ka thënë se sa i përket takimit me Nuland, dihet qëndrimi i tyre për Demarkacion e Asociacion.

‘’Unë nuk jam ftuar nga Nuland ngase temë ka qenë korrupsioni, ky ka qenë fokusimi dhe ka biseduar me palën e vet, sikur ndoshta ajo te kish pas ne agjendë votimin për një version të Demarkacionit normal që edhe unë do t’kisha qenë i ftuar”, u shpreh Haradinaj.

Ai ka shtuar se qëndrojnë prapa kundërshtimit deri tash, prapa protestave prapa peticionit.

‘’Demarkacioni e dëmton Kosovën, Asociacioni e dëmton kushtetutshmërinë, Demarkacioni e kthen rolin e Serbisë në Kosovë”, tha Haradinaj.

I pari i AAK-së akuzoi kryeministrin Mustafa për mos seriozitet të tij ndaj popullit në lidhje me punën dhe detyrat që i janë besuar.

‘’Nuk është detyrë e imja të komentoj deklaratën e Isa Mustafës, ai është qesharak dhe i paqartë. Këtë qeverisje të tillë korruptive nuk e mendoj më serioze. Ai po tallet me popullin tim, jo me mua por edhe me popullin e tij. Kjo temë nuk kalon, këta duhet ta dinë, kjo ska të bëjë me Demarkacion, ka të bëjë me territor’’, theksoi Haradinaj.

Ai ka folur edhe për grusht-shtetin e dështuar të së premtes në Turqi, i cili tha se Kosova e konsideron Turqinë alet dhe ka interes për bashkëpunim me këtë vend.

“Ne jemi të interesuar me e mbajt këtë bashkëpunim me Turqin”. Ndërsa i pyetur nëse e quan vëlla, Erdoganin, Haradinaj tha jo.

“Jo nuk e kam vëlla. Unë jam shqiptar, mund ta kem mik dhe partner por vëlla jo./Telegrafi/